ឡូយកប់! កីឡាករកម្ពុជាមួយរូបជាប់ឈ្មោះ ជាជម្រើស១១នាក់ឆ្នើមបំផុតនៅស៊ីហ្គេម

ស៊ីហ្គេម៖ ព្រឹត្តិការណ៍កីឡាស៊ីហ្គេមលើកទី៣០ នៅប្រទេសហ្វីលីពីន ត្រូវបានបញ្ចប់កាលពីថ្ងៃពុធកន្លងទៅ ហើយក្នុងនោះម្ចាស់មេដាយមាសនៃវិញ្ញាសាបាល់ទាត់បុរសអាយុក្រោម២២ឆ្នាំ បានទៅលើក្រុមជម្រើសជាតិវៀតណាម ក្រោយរង់ចាំអស់រយៈពេល៦០ឆ្នាំ។

ចំណែកឯមេដាយប្រាក់បានទៅលើឥណ្ឌូនេស៊ី មេដាយសំរឹទ្ធបានទៅលើមីយ៉ាន់ម៉ា និងក្រុមកម្ពុជាទទួលបានចំណាត់ថ្នាក់លេខ៤។

ជាមួយគ្នានេះ ជម្រើស១១នាក់ល្អបំផុតវិញ្ញាសាបាល់ទាត់បុរសប្រចាំព្រឹត្តិការណ៍កីឡាលើកទី៣០ កម្រិតតំបន់មួយនេះត្រូវបានបង្ហាញ ដែលមានឈ្មោះកីឡាកររបស់កម្ពុជាយើង១រូបផងដែរ។

ចង់ដឹងថា ជម្រើស១១នាក់ល្អបំផុតនៅស៊ីហ្គេមលើកទី៣០ មានអ្នកណាខ្លះ មកតាមដាននៅខាងក្រោមទាំងអស់គ្នា៖

• អ្នកចាំទី៖ Sann Satt Naing (មីយ៉ាន់ម៉ា)

• ខ្សែការពារ៖ Doan Van Hau (វៀតណាម), Amani Aguinaldo (ហ្វីលីពីន) និង Asnawi Bahar (ឥណ្ឌូនេស៊ី)

• ខ្សែបម្រើ៖ សៀង ចន្ធា (កម្ពុជា), Do Hung Dung (វៀតណាម), Myat Kaung Khant (មីយ៉ាន់ម៉ា) និង Saddil Ramdani (ឥណ្ឌូនេស៊ី)

• ខ្សែប្រយុទ្ធ៖ Osvaldo Haay (ឥណ្ឌូនេស៊ី), Ha Duc Chinh (វៀតណាម) និង Nguyen Tien Linh (វៀតណាម)

គួរឲ្យដឹងដែរថា កីឡាករវ័យក្មេងរបស់កម្ពុជា សៀង ចន្ធា បានចារប្រវត្តិសាស្រ្តមួយនៅស៊ីហ្គេមលើកទី៣០ ក្នុងនាមជាកីឡាករដែលរកគ្រាប់បាល់បានលឿនបំផុត ដោយប្រើពេលត្រឹមតែ ១៨វិនាទីប៉ុណ្ណោះ៕

ប្រភព​​​៖ FoxSportsAsia