ភ្នំពេញ៖ នៅមុននេះបន្តិចទំព័រ Facebook ផ្លូវការរបស់ក្លិបបាល់ទាត់បឹងកេតបានបង្ហោះអំពីការមកចូលរួមជាផ្លូវការរបស់ខ្សែប្រយុទ្ធវ័យក្មេងកំពុងទទួលការចាប់អារម្មណ៍ សៀង ចន្ធា សម្រាប់រដូវកាលថ្មី២០២០ខាងមុខ។

កីឡាករ សៀង ចន្ធា

សៀង ចន្ធា ជាកីឡាករទី៤ហើយដែលបានចាកចេញពីសាលាបាល់ទាត់ជាតិបាទីមកចូលរួមជាមួយក្លិបបឹងកេត បន្ទាប់ពីកីឡាករ៣រូបផ្សេងទៀតរួមមាន ជុង មករា, សៅ វ៉ៃហ្វី និង ថា ច័ន្ទឬទ្ធី (អ្នកចាំទី)។

ជាមួយនឹងការផ្លាស់មកចូលរួមជាមួយក្លិបជើងឯកពានរង្វាន់សម្ដេច ហ៊ុន សែន រដូវកាលមុន ខ្សែប្រយុទ្ធមានដើមកំណើតមកពីខេត្តកោះកុង សៀង ចន្ធា ក៏បានបង្ហោះនៅលើទំព័រ Facebook ផ្លូវការផ្ទាល់ខ្លួនដោយសរសេរថា៖

 សៀង ចន្ធា បង្ហោះនៅលើទំព័រ ​Facebook ផ្ទាល់ខ្លួន

គួរឲ្យដឹងដែរថា ពេលនេះ សៀង ចន្ធា កំពុងតែបំពេញបេសកកម្មរបស់ខ្លួនជាមួយក្រុមជម្រើសជាតិកម្ពុជាអាយុក្រោម១៨ឆ្នាំ លេងពានរង្វាន់ BTV Cup នៅខេត្ត Binh Doung ប្រទេសវៀតណាម៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]