ហ្វីលីពីន៖ កម្ពុជា បានត្រឹមចំណាត់ថ្នាក់លេខ៤ វិញ្ញាសាបាល់ទាត់បុរស ព្រឹត្តិការណ៍កីឡាស៊ីហ្គេមលើកទី៣០ នៅប្រទេសហ្វីលីពីន បន្ទាប់ពីប្រកួតចាញ់មីយ៉ានម៉ា ដោយបាល់កាត់សេចក្ដី ១១ម៉ែត្រ (៥-៤) ក្រោយចប់៩០នាទី ក្រុមទាំងពីរស្មើគ្នា ២-២។

ការប្រកួតរវាងមីយ៉ាន់ម៉ា និងកម្ពុជា (រូបភាព: Cambodia SEA GAMES 2023)

២គ្រាប់របស់កម្ពុជារកបានដោយខ្សែប្រយុទ្ធវ័យក្មេង សៀង ចន្ធា ១គ្រាប់នៅនាទីទី១ និង១គ្រាប់ទៀតរកបានដោយកីឡាករ កែវ សុខផេង ដោយការទាត់បាល់ហ្រ្វីឃីគនៅក្នុងវគ្គទី២។

គួរឲ្យដឹងដែរថា កម្ពុជាស្ថិតក្នុងពូល A លេង៤ប្រកួត ឈ្នះ២ ស្មើ១ និងចាញ់១ មាន៧ពិន្ទុ ឈរនៅចំណាត់ថ្នាក់លេខ២ និងមានឱកាសឡើងមកកាន់វគ្គពាក់កណ្ដាលផ្ដាច់ព្រ័ត្រ ប៉ុន្តែនៅវគ្គពាក់កណ្ដាលផ្ដាច់ព្រ័ត្រកម្ពុជា បានប្រកួតចាញ់ជើងខ្លាំងវៀតណាម ក្នុងលទ្ធផល៤ទល់នឹង០។

ការឡើងទៅវគ្គពាក់កណ្ដាលផ្ដាច់ព្រ័ត្រនៅស៊ីហ្គេមលើកទី៣០របស់កម្ពុជាគឺជាលើកដំបូងក្នុងប្រវត្តិសាស្រ្តហើយសម្រាប់វិញ្ញាសាបាល់ទាត់បុរស ដោយតាំងពីព្រឹត្តិការណ៍កីឡាតំបន់អាស៊ីអាគ្នេយ៍រៀងរាល់២ឆ្នាំម្ដងនេះបង្កើតឡើងកាលពីឆ្នាំ១៩៥៩មក បាល់ទាត់បុរសកម្ពុជាមិនដែលឆ្លងផុតវគ្គចែកពូលនោះទេ៕

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ