ហ្វីលីពីន៖ ក្រុមបាល់ទះជម្រើសជាតិកម្ពុជា បានប្រកួតចាញ់ក្រុមបាល់ទះជម្រើសជាតិវៀតណាម ដោយលទ្ធផល ៣សិតទល់នឹង០ (១៥-២៥, ២០-២៥ និង ២២-២៥) នៅមុននេះបន្តិច ក្នុងការប្រកួតដណ្ដើមចំណាត់ថ្នាក់លេខ៥ ព្រឹត្តិការណ៍កីឡាស៊ីហ្គេមលើកទី៣០។

កម្ពុជា បានអស់​ឱកាសក្នុងការឡើងទៅដណ្ដើមមេដាយ ក្រោយ៣ប្រកួតក្នុងពូល B ឈ្នះ១ និងចាញ់២ ពោលគឺ ចាញ់ម្ចាស់ផ្ទះហ្វីលីពីន និងឥណ្ឌូនេស៊ី ៣សិតទល់នឹង០ ដូចគ្នា មុននឹងបន្តមកយកឈ្នះវៀតណាមវិញ ៣សិតទល់នឹង២។

មុនមកប៉ះគ្នាជាមួយកម្ពុជាម្ដងទៀត ក្នុងការដណ្ដើមចំណាត់ថ្នាក់លេខ៥ វៀតណាម បានយកឈ្នះ សិង្ហបុរី ដោយលទ្ធផល ៣សិតទល់នឹង០។ ដូច្នេះសម្រាប់វិញ្ញាសាបាល់ទះក្នុងសាលបុរសនៅស៊ីហ្គេមលើកទី៣០ សិង្ហបុរីឈរនៅចំណាត់ថ្នាក់លេខ៧ កម្ពុជាឈរនៅចំណាត់ថ្នាក់លេខ៦ និងវៀតណាមឈរនៅចំណាត់ថ្នាក់លេខ៥។

សម្រាប់ការប្រកួតដណ្ដើមមេដាយសំរឹទ្ធគឺថៃត្រូវប៉ះមីយ៉ាន់ម៉ា ខណៈការប្រកួតមេដាយមាសគឺម្ចាស់ផ្ទះ ហ្វីលីពីន ជួបជាមួយ ឥណ្ឌូនេស៊ី ដែលការប្រកួតទាំងពីរនឹងធ្វើឡើងនៅពេលបន្តិចទៀតនេះ៕ (លទ្ធផលយ៉ាងណា ខ្មែរឡូត នឹងធ្វើបច្ចុប្បន្នភាពជាបន្តបន្ទាប់)

សូមទស្សនាការប្រកួតដណ្ដើមចំណាត់ថ្នាក់លេខ៥ រវាង កម្ពុជា និងវៀតណាម នៅខាងក្រោម៖
សិតទី១
សិតទី២
សិតទី៣

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ