អបអរសាទរ! Chelsea ក្លាយជាម្ចាស់ជើងឯក Club World Cup ក្រោយលត់ PSG ៣-០ មិនឲ្យតដៃ (មានវីដេអូ)

 កីឡា៖ កាលពីយប់ឈានចូលថ្ងៃច័ន្ទទី ១៤ខែកក្កដាកន្លងទៅនេះ ការប្រកួតវគ្គផ្ដាច់ព្រ័ត្រពានរង្វាន់ Club World Cup ត្រូវបានធ្វើឡើង នៅឯកីឡដ្ឋាន Metlife Stadium នាសហរដ្ឋអាមេរិក។

ការប្រកួតនេះគឺធ្វើឡើងរវាងក្រុមពីរគឺ Chelsea ទល់នឹង Paris Saint-Germain ដែលជាក្រុមម្ចាស់ជើងឯក Champions League ដោយបញ្ចប់ការប្រកួត Chelsea បានបំបាក់ភាគីលោក Luis Enrique ៣ ទល់នឹង០ លើកពាន Club World Cup បានសម្រេច។

ក្នុងនោះតារាឆ្នើមប្រចាំការប្រកួតដ៏លេចធ្លោបានទៅលើ កីឡាករ Cole Palmer ដែលបានស៊ុតបញ្ចូលទីចំនួន២គ្រាប់ឲ្យ Chelsea នៅនាទីទី ២២ និង៣០ មុននឹង Joao Pedro រកបាន១គ្រាប់ទៀតនៅនាទីទី៤៣ ជួយឲ្យ Chelsea យកឈ្នះ PSG យ៉ាងកក់ក្ដៅបំផុត។

ជ័យជម្នះនេះបានធ្វើឲ្យ Chelsea ក្លាយជាម្ចាស់ជើងឯក Club World Cup ដែលក្រុមនេះនឹងទទួលបានប្រាក់រង្វាន់ខ្ទង់ ១២៩.៥លានដុល្លារឯណោះ៕

សូមទស្សនាវីដេអូខាងក្រោម៖