អង់គ្លេស៖ Liverpool បានចាប់ផ្ដើមរដូវកាលថ្មី ២០១៩-២០២០ របស់ខ្លួនបានយ៉ាងល្អ ដោយកំពុងតែវ៉ាដាច់ពិន្ទុក្រុមជើងឯកឆ្នាំចាស់ Manchester City ដល់ទៅ១៤ពិន្ទុ ក្នុងក្របខណ្ឌ Premier League។

ជាមួយគ្នានេះ ខ្សែប្រយុទ្ធជួរមុខរបស់ហង្សក្រហម Mohamed Salah បង្ហាញទម្រង់លេងបានយ៉ាងល្អ។ កាលពីថ្ងៃសៅរ៍ចុងសប្ដាហ៍កន្លងទៅ ខ្សែប្រយុទ្ធជម្រើសជាតិអេហ្ស៊ីបរូបនេះ ក៏រកបាន១គ្រាប់ និងបញ្ជូនបាល់ឲ្យមិត្តរួមក្រុមបាន១ដងផងដែរ ក្នុងការប្រកួតដែល Liverpool យកឈ្នះម្ចាស់ផ្ទះ Bournemouth ៣-០។

បើយើងក្រឡេកទៅមើលស្ថិតិរបស់ Salah ក្នុងការលេងឲ្យ Liverpool ឃើញថាគ្រាប់បាល់ ១គ្រាប់របស់ Salah ក្នុងជំនួបជាមួយ Bournemouth គឺជាគ្រាប់បាល់ទី៨១របស់គេឲ្យម្ចាស់ជើងឯក Champions League ៦សម័យកាល ដែលបានតាមទាន់កំណត់ត្រារបស់អតីតខ្សែប្រយុទ្ធឆ្នើម Fernando Torres ដែលអាចរកបាន ៨១គ្រាប់អំឡុងពេលដែលខ្សែប្រយុទ្ធអេស្ប៉ាញលេងឲ្យហង្សក្រហម (២០០៧-២០១១)។

គួរបញ្ជាក់ផងដែរថា Salah បានផ្លាស់ពី Roma មកចូលរួមជាមួយ Liverpool កាលពីរដូវក្ដៅ ឆ្នាំ២០១៧ ក្នុងតម្លៃខ្លួន ៤៣.៩លានផោន។ គិតមកត្រឹមពេលនេះ ម្ចាស់អាវលេខ១១របស់ Liverpool ចូលលេងបាន ១២៤ប្រកួត និងអាចរកគ្រាប់បាល់បាន ៨១គ្រាប់៕

កីឡាករ Mohamed Salah
កីឡាករ Fernando Torres

ប្រភព​​​៖ Marca

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ