អ៊ីតាលី៖ សេះបង្កង់ Juventus បានស្គាល់ពាក្យថាចាញ់លើកដំបូងនៅរដូវកាលនេះ ក្នុងក្របខណ្ឌ Serie A ក្រោយប្រកួតចាញ់ម្ចាស់ផ្ទះ Lazio ដោយលទ្ធផល ៣ទល់នឹង១ កាលពីយប់មិញ ក្នុងសប្ដាហ៍ទី១៥។

ការប្រកួតរវាង Lazio និង Juventus

Ronaldo ជាអ្នកស៊ុតបើកការនាំមុខមុនឲ្យ Juventus បន្ទាប់ពីទទួលបាល់បញ្ជូនពីមិត្តរួមក្រុម Bentancur នៅនាទីទី២៥។ ការប្រកួតអូសបន្លាយជិតចប់វគ្គទី១ទៅហើយ ពោលគឺនៅណាំទីទី៤៥ Lazio បានវាយបកតាមស្មើវិញដោយការតែតរបស់កីឡាករ Luiz Felipe។ ការប្រកួតចប់វគ្គទី១ ក្រុមទាំងពីរស្មើគ្នា ១-១។

Ronaldo អបអរគ្រាប់បាល់ជាមួយមិត្តរួមក្រុម

ការប្រកួតចូលវគ្គទី២នាទីទី៦៩ Juventus បានទទួលកាតក្រហមមួយក្រោយកីឡាករ Juan Cuadrado បានបង្កកំហុសទៅលើកីឡាកររបស់ Lazio។ ក្រោយសល់សមាជិកត្រឹម១០នាក់ Juventus ត្រូវ Lazio បំប៉ោងសំណាញ់ទី២គ្រាប់បន្ថែមទៀតនៅនាទីទី៧៤ ដោយកីឡាករ Milinkovic-Savic និងនៅនាទីទី៩០ ដោយកីឡាករ Felipe Caicedo។ ចប់ការប្រកួត៩០នាទី Lazio យកឈ្នះ Juventus ៣-១។

កីឡាករ Juan Cuadrado ទទួលបានកាតក្រហម 

បរាជ័យយប់មិញ គឺជាបរាជ័យលើកដំបូងហើយរបស់ជើងឯករដូវកាលមុន នៅរដូវកាលនេះក្នុងក្របខណ្ឌ Serie A។ គិតត្រឹម១៥ប្រកួតក្រុមរបស់លោក Sarri ឈរនៅចំណាត់ថ្នាក់លេខ២ មាន៣៦ពិន្ទុ ឈ្នះ១១ ស្មើ៣ និងចាញ់១ តាមពីក្រោយក្រុមលេខ១ Inter Milan ដែលមាន ៣៨ពិន្ទុ៕

តារាងពិន្ទុក្របខណ្ឌ Serie A
ចង់ឃើញថាការចាញ់លើកទី១របស់ Juventus នៅរដូវកាលនេះយ៉ាងណានោះ សូមទស្សនាវីដេអូ Highlight នៅខាងក្រោម៖

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ