ភ្នំពេញ៖ ការប្រកួតប្រដាល់គុនខ្មែរក្នុងកម្មវិធីរបស់ស្ថានីយ៍ទូរទស្សន៍អាស៊ីអាគ្នេយ៍ កាលពីថ្ងៃសៅរ៍កន្លងទៅ កីឡាករ សេង ស្រឿន បានប្រកួតឈ្នះកីឡាករមកពីប្រទេសថៃ ដេន ផង់ខូន ដោយផ្ដួលឲ្យសន្លប់នៅក្នុងទឹកទី៤។

  កីឡាករ សេង ស្រឿន ឈ្នះការប្រកួត

ការប្រកួតពីទឹកទី១ដល់ទឹកទី៣ កីឡាករទាំងពីរមិនបានបង្អង់ ដោយសម្រុកគ្នាខ្លាំងៗទៅវិញទៅមកតាមរយៈការទាត់ ប្រើដៃ និងជង្គង់ ដែលធ្វើឲ្យការប្រកួតជក់ចិត្តជាខ្លាំង និងទទួលបានការហ៊ោរយ៉ាងពេញស្ទូឌីយោពីទស្សនិកជនដែលទៅទស្សនាផ្ទាល់។ ការប្រកួតអូសបន្លាយដល់ទឹកទី៤ សេង ស្រឿន បានប្រើជើងស្ដាំរបស់ខ្លួនទាត់ចូលពេញមុខរបស់កីឡាករថៃ ធ្វើឲ្យដួលមិនអាចបន្តការប្រកួតទៀតបាន បើទោះបីជាអាជ្ញាកណ្ដាលរាប់ដល់១០៕

ចង់ឃើញថា មួយជើងរបស់ សេង ស្រឿន ចូលកណ្ដាលមុខរបស់កីឡាករថៃ យ៉ាងណានោះ ទៅទស្សនាវីដេអូខាងក្រោមទាំងអស់គ្នា៖

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]