បាងកក៖ ការប្រកួតប្រដាល់សេរី ក្នុងកម្មវិធី MX Muay Xtreme របស់ស្ថានីយ៍ទូរទស្សន៍ប៉ុស្ដិ៍លេខ៣១ថៃ នៅប្រទេសថៃ កាលពីថ្ងៃអាទិត្យកន្លងទៅ សិស្សគុនរបស់ក្លិប Cambodian Top Team កីឡាករ អេ រ៉ាវ៉ាន់ចាន់រាជ បានប្រកួតចាញ់កីឡាករម្ចាស់ផ្ទះថៃ Kaewkla ដោយសន្លប់នៅក្នុងទឹកទី១។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការប្រកួតរវាងកីឡាករទាំងពីរធ្វើឡើងក្នុងប្រភេទទម្ងន់ ៥៩គីឡូក្រាមនិងមានតែ ៣ទឹកប៉ុណ្ណោះ។ គោះជួងចូលទឺកទី១ភ្លាម កីឡាករទាំងពីរបានសម្រុកគ្នាយកខ្លាំងតែម្ដងតាមរយៈការប្រើជើងទាត់ និងចេញដៃម៉ាត់ ដោយកីឡាករកម្ពុជាហាក់មានប្រៀបជាងម្ចាស់ផ្ទះនៅដើមទឹក។
យ៉ាងណាមិញ នៅខាងចុងទឹកទៅហើយ កីឡាករថៃ Kaewkla បានប្រើកណ្ដាប់ដៃរបស់ខ្លួនវាយចូលពេញស្ដាំមួយដៃ និងឆ្វេងមួយដៃ ធ្វើឲ្យលោកអាជ្ញាកណ្ដាលរាប់ អេ រ៉ាវ៉ាន់ចាន់រាជ ដល់១០៕
ចង់ឃើញថា ពីរដៃរបស់កីឡាករថៃ Kaewkla ធ្ងន់យ៉ាងណានោះ ទៅទស្សានាវីដេអូខាងក្រោមទាំងអស់គ្នា៖