ចាញ់មែន តែជក់ចិត្តណាស់! បើកឆាកប្រកួតដំបូង បាល់ទះកម្ពុជា ចាញ់ម្ចាស់ផ្ទះហ្វីលីពីន ៣សិតទល់នឹង០ (មានវីដេអូ)

ហ្វីលីពីន៖ បើកឆាកប្រកួតដំបូងក្នុងវិញ្ញាសាបាល់ទះបុរសក្នុងសាលព្រឹត្តិការណ៍កីឡាស៊ីហ្គេមលើកទី៣០ កម្ពុជាបានប្រកួតចាញ់ម្ចាស់ផ្ទះហ្វីលីពីនដោយលទ្ធផល ៣សិតទល់នឹង០។

លទ្ធផលក្នុងសិតទី១ មានការប្រកៀកប្រកិតគ្នាមែនទែនដោយខាងហ្វីលីពីន បានយកឈ្នះកម្ពុជា ២៩-២៧ ខណៈចូលដល់សិតទី២ និងសិតទី៣ ហ្វីលីពីន បានយកឈ្នះដោយលទ្ធផល ២៥-១៧។

សម្រាប់វិញ្ញាសាបាល់ទះបុរសក្នុងសាលនៅស៊ីហ្គេមលើកទី៣០នេះ កម្ពុជាស្ថិតនៅពូល A ជាមួយម្ចាស់ផ្ទះហ្វីលីពីន, ឥណ្ឌូនេស៊ី និងវៀតណាម។

គួរឲ្យដឹងដែរថា សម្រាប់ប្រកួតបន្ទាប់របស់កម្ពុជា នឹងត្រូវជួបជាមួយឥណ្ឌូនេស៊ី នៅថ្ងៃទី០៤ មុននឹងបន្តមកប៉ះវៀតណាម នៅថ្ងៃទី០៦ ខែធ្នូនេះ៕

សូមទស្សនាការប្រកួតរវាងកម្ពុជា និងហ្វីលីពីននៅខាងក្រោម៖