អេស្ប៉ាញ៖ ជំនួបពិសេសប្រចាំសប្ដាហ៍រវាងក្រុម Atletico Madrid ក្នុងនាមជាម្ចាស់ផ្ទះបានបើកទ្វារកីឡដ្ឋាន Wanda Metropolitano ទទួលស្វាគមន៍ក្រុមភ្ញៀវ FC Barcelona ក្នុងក្របខណ្ឌ La Liga Santander សប្ដាហ៍ទី១៤ កាលពីរាត្រីថ្ងៃអាទិត្យកន្លងទៅនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងការប្រកួតក្រុមទាំងពីរមានឱកាសសម្រុកគ្នាយ៉ាងជក់ចិត្ត ដោយខាងម្ចាស់ផ្ទះស៊ុតបាន៧ជើង ចំគោលដៅ២ដង ចំណែកឯក្រុមភ្ញៀវ ស៊ុតបាន៨ជើង ចំគោលដ៥ដង សម្រេចទីបាន១គ្រាប់។
១គ្រាប់របស់ក្រុមភ្ញៀវធ្វើបានដោយខ្សែបម្រើប្រយុទ្ធសញ្ជាតិអាហ្សង់ទីនកីឡាករ Lionel Messi តាមរយៈការបញ្ជូនបាល់បានយ៉ាងល្អពីសំណាក់កីឡាករ Luis Suarez នៅនាទីទី៨៦។
ដូច្នេះបញ្ចប់៩០នាទីក្រុមម្ចាស់ផ្ទះ Atletico Madrid បានរងបរាជ័យក្រោមថ្វីជើងក្រុមភ្ញៀវ FC Barcelona ក្នុងលទ្ធផល០ទល់នឹង១។
តាមរយៈជ័យជម្នះនេះបានជ័យឲ្យ Barca បាន៣ពិន្ទុយ៉ាងមានសារៈសំខាន់ ដោយបានវ៉ាក្រុម Real Madrid ឡើងមកឈរកំពូលតារាងសប្ដាហ៍ទី១៤នេះ មាន៣១ពិន្ទុក្នុងដៃ៕
បើចង់ឃើញការស៊ុតបញ្ចូលទីរបស់ Messi អស្ចារ្យយ៉ាងណានោះ សូមទស្សនាវីដេអូខាងក្រោម៖