អេស្ប៉ាញ៖ ក្លិបបិសាចក្រហម Manchester United ត្រូវបានគេរាយការណ៍កំពុងពិចារណាក្នុងការផ្ទេរយកខ្សែការពារកណ្ដាលរបស់ក្លិប Real Valladolid កីឡាករ Mohammed Salisu មកប៉ះប៉ូវតំបន់ការពាររបស់ខ្លួន។

  កីឡាករ Mohammed Salisu

កីឡាករ Salisu ជាខ្សែការពារសំខាន់១រូបរបស់ក្លិប Real Valladolid ដោយក្នុងក្របខណ្ឌ La Liga រដូវកាលនេះរូបគេមានឱកាសបង្ហាញខ្លួនរាល់គ្រប់ការប្រកួត ថែមទាំងស៊ុតបញ្ចូលទីបាន១គ្រាប់ទៀតផង។

យោងតាមកាសែត​ The Sun បានឲ្យដឹងថាតម្លៃទិញផ្ដាច់កុងត្រារបស់ខ្សែការពារសញ្ជាតិហ្កាណារូបនេះ មានតម្លៃត្រឹម១០លានផោន (ឬប្រហែល១២,៨លានដុល្លារអាមេរិក) ប៉ុណ្ណោះ។

  កីឡាករ Mohammed Salisu

លើសពីនេះទៅទៀត តាមរយៈប្រភពដដែលបានបន្តឲ្យដឹងទៀតថា ក្លិប Man Utd បានបញ្ជូនភ្នាក់ងាររបស់ខ្លួនទៅតាមដានពីទម្រង់លេងរបស់កីឡាកររូបនេះជាច្រើនលើកមកហើយ ដោយក្លិបមានបំណងចង់បានខ្សែការពារវ័យ២០ឆ្នាំរូបនេះទៅជំនួសកន្លែងកីឡាករ Phil Jones  និងកីឡាករ Chris Smalling ដែលបច្ចុប្បន្នកំពុងលេងឲ្យក្លិប Roma ក្នុងលក្ខខណ្ឌខ្ចីជើង។

  កីឡាករ Mohammed Salisu ប្រជែងជាមួយកីឡាករ Lionel Messi

គួរឲ្យដឹងដែរថាកីឡាករ Mohammed Salisu ជាយុវជនថ្នាលរបស់ក្លិប Real Valladolid ហើយត្រូវបានក្លិបតម្លើងឲ្យមកលេងក្នុងឈុតធំ កាលពីខែកក្កដាឆ្នាំ២០១៩នេះ ដោយបង្ហាញខ្លួនសរុបបានចំនួន១៦ប្រកួត ស៊ុតបញ្ចូលទីបាន១គ្រាប់៕

ប្រភព៖ Caughtoffside

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]