ប្ដូរកែងគ្នាសាហាវ! គង់ សំបូរ សន្លប់ក្រោមផ្លែកែងរបស់កីឡាករភូមាត្រឹមទឹកទី១ នៅសង្វៀន Thai Fight (មានវីដេអូ)

បាងកក៖ អ្នកប្រដាល់មកពីក្លិបគុហ៍ព្រហ្មមានជ័យ គង់ សំបូរ បានប្រកួតចាញ់កីឡាករជនជាតិភូមា Tha Pyay Nyo ដោយសន្លប់នៅទឹកទី១ ក្នុងកម្មវិធីការប្រកួតប្រដាល់ដ៏ធំប្រចាំប្រទេសថៃ Thai Fight នៅទីក្រុងបាងកក។

ការប្រកួតធ្វើឡើងក្នុងប្រភេទទម្ងន់ ៦៤គីឡូក្រាម និងមានតែ ៣ទឹកប៉ុណ្ណោះ។ គ្រាន់តែចាប់ផ្ដើមទឹកទី១ភ្លាមកីឡាករទាំងពីរបានសម្រុកគ្នាខ្លាំងៗតាមរយៈការទាត់ និងប្រើដៃ ហើយនៅពាក់កណ្ដាលទឹកកីឡាករ ភូមា បានវាយឲ្យ គង់ សំបូរ ត្រូវលោកអាជ្ញាកណ្ដាលរាប់ម្ដង។

ការប្រកួតឈានដល់ចុងទឹកទៅហើយ កីឡាករទាំងពីរបានប្ដូរកែងបត់គ្នាទៅវិញទៅមក ប៉ុន្តែដោយសារតែកែងរបស់កីឡាករភូមា បានធ្វើឲ្យគង់ សំបូរ ដួលនិងត្រូវលោកអាជ្ញាកណ្ដាលបញ្ឈប់ការប្រកួតភ្លាមៗតែម្ដង៕

ចង់ឃើញថា កែងរបស់កីឡាករភូមា លឿនយ៉ាងណានោះ ទៅទស្សនាវីដេអូខាងក្រោមទាំងអស់គ្នា៖