កំពុងល្បីខ្លាំង តារាស្រីម៉ាប់នេះ កាន់កាបូបដៃតូចបំផុតនៅលើលោកផ្អើលអស់កម្មវិធី តែតម្លៃក៏.....!

អាមេរិក៖ កាលពីថ្ងៃអាទិត្យកន្លងទៅនេះ តារាចម្រៀងស្រីកំពុងមានប្រជាប្រិយភាព Lizzo បានបង្ហាញមុខនៅលើកម្រាលព្រំក្រហម នៃកម្មវិធីប្រគល់ពានរង្វាន់ធំប្រចាំឆ្នាំ «American Music Awards ២០១៩» យ៉ាងណាមិញ​នាងបានទាក់ទាញចំណាប់អារម្មណ៍មហាជន មិនតិចនោះទេ ក្រោយពេលនាងបានកាន់នូវ កូនកាបូបដៃដ៏សែនតូចបំផុតនៅលើលោក ចូលរួមកម្មវិធី។

ជាការពិតណាស់ តារាចម្រៀងស្រីម្ចាស់បទ «Truth Hurts» រូបនេះ បានស្លៀកនូវរ៉ូបប៉ោងពណ៌ទឹកក្រូច​យ៉ាងស្រស់ឆើតឆាយ អមជាមួយនឹងកូនកាបូបយ៉ាងគួរឲ្យស្រលាញ់ និងមានទំហំតូចបំផុត ម៉ាក Valentino ដែលនាងបានយួរវាជាមួយនឹងម្រាមដៃរបស់នាង។ ហើយបើនិយាយពីតម្លៃនៃកាបូបតូចមួយនេះវិញ កាលពីទើបចេញដំបូងកាលពីអំឡុងកម្មវិធីដើរម៉ូត Paris Fashion Week ខែកុម្ភៈ ប្រភេទកាបូបខ្នាតតូច Jacquemus Handbags នេះ គឺមានតម្លៃចាប់ពី ២៦០ដុល្លារ ដល់ ៥២០ដុល្លារ ផងដែរ។

យ៉ាងណាមិញ បើទោះបីជាកាបូបខ្នាតតូចដែល Lizzo បានកាន់នេះវាមានភាពប្លែកភ្នែកនិងធ្វើឲ្យមហាជន មានភាពងឿយឆ្ងល់ជាមួយនឹងអត្ថប្រយោជន៍របស់វាក៏ដោយ ប៉ុន្តែគ្រប់គ្នាក៏មានការចាប់អារម្មណ៍យ៉ាងខ្លាំង ចំពោះម៉ូតកាបូបដ៏គួរឲ្យស្រលាញ់មួយនេះ ក៏ដូចជាកោតសរសើរចំពោះភាពច្នៃប្រឌិតរបស់Lizzo ផងដែរ៕