អ៊ីតាលី៖ គ្រូបង្វឹកក្រុម Atletico Madrid លោក Diego Simeone បានជំរុញឲ្យកូនក្រុមរបស់លោកបង្កើនការប្រុងប្រយ័ត្នចំពោះកីឡាករឆ្នើមរបស់ក្លិបសេះបង្កង់ Juventus កីឡាករ Cristiano Ronaldo ព្រោះកីឡាកររូបនេះតែងតែធ្វើអោយក្រុមរបស់លោកឈឺចាប់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
ក្រុមសេះបង្កង់ Juventus នឹងបើកទ្វារកីឡដ្ឋាន Allianz Stadium ទទួលស្វាគមន៍ក្រុម Atletico Madrid ក្នុងការប្រកួតក្របខណ្ឌ Champions League ប្រចាំពូល D នៅយប់នេះវេលាម៉ោង៣:០០ (ម៉ោងកម្ពុជា)។
លោក Diego Simeone បានថ្លែងក្នុងសន្និសីទកាសែតមុនការប្រកួតថា៖
"ពួកយើងនឹងធ្វើអោយបានល្អបំផុតរាល់ការប្រកួត និងព្យាយាមឈ្នះគ្រប់ការប្រកួតទាំងអស់។ Ronaldo គឺជាជើងឯក១រូប គាត់តែងតែធ្វើអោយពួកយើងឈឺចាប់។ គាត់ជាកីឡាករដ៏អស្ចារ្យ។"
គួរឲ្យដឹងដែរថាកីឡាករ Cristiano Ronaldo ធ្លាប់ស៊ុតបញ្ចូលទីទៅលើក្រុម Atletico Madrid បានរហូតដល់២២គ្រាប់ គិតរាល់ការប្រកួតទាំងអស់ទាំងលេងអោយ Real Madrid និង Juventus៕
ប្រភព៖ football-italia
Bong I.T