ហ្វីលីពីន៖ ក្រុមបាល់ទាត់ជម្រើសជាតិកម្ពុជាអាយុក្រោម ២២ឆ្នាំបានខកខានក្នុងការដណ្ដើមយក ៣ពិន្ទុពីក្រុមម្ចាស់ផ្ទះហ្វីលីពីន នៅក្នុងការប្រកួតបើកឆាកពូល A វិញ្ញាសាបាល់ទាត់បុរស ព្រឹត្តិការណ៍កីឡាករស៊ីហ្គេមលើកទី៣០ បន្ទាប់ពីស្មើគ្នា ១ទល់នឹង១។

ក្រុមជម្រើសជាតិ U-22 កម្ពុជា  (រូបភាព: FFC)

កម្ពុជា ជាអ្នកបើកការនាំមុខមុននៅវគ្គទី១ នាទីទី៤១ តាមរយៈការស៊ុតរបស់ខ្សែប្រយុទ្ធក្លិបវិសាខា កែវ សុខផេង បន្ទាប់ពីការលេងបាល់មួយ-ពីរ (One-Two) យ៉ាងល្អជាមួយនិង ឆេង ម៉េង។ ចប់វគ្គទី១ កម្ពុជា បាននាំមុខមុនហ្វីលពីន ០ទល់នឹង១។

កែវ សុខផេង អបអរគ្រាប់បាល់ (រូបភាព: FFC)

ការប្រកួតអូសបន្លាយដល់ម៉ោងបន្ថែមក្នុងវគ្គទី២ ទើបម្ចាស់ផ្ទះអាចវាយបកតាមស្មើវិញបានដោយការស៊ុតរបស់កីឡាករប្ដូរចូល Chung នៅនាទីទី៩០+២។ ជាលទ្ធផលបញ្ចប់ការប្រកួតហ្វីលីពីន និងកម្ពុជាចែកគ្នាម្នាក់មួយពិន្ទុក្រោមស្មើគ្នា ១-១។

កីឡាកររបស់ហ្វីលីពីន អបអរគ្រាបបាល់ចុងម៉ោង

ចំណែកឯលទ្ធផលមួយគូទៀតក្នុងពូល A ជាមួយគ្នានេះគឺសហភាពមីយ៉ាន់ម៉ា ស្មើគ្នាជាមួយម៉ាឡេស៊ី ១ទល់នឹង១៕

សូមទស្សនាវីដេអូ Highlight ខាងក្រោម៖

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]