អង់គ្លេស៖ ក្រុម Sheffield United ក្នុងនាមជាម្ចាស់ផ្ទះបានបើកទ្វារកីឡដ្ឋាន Bramall Lane ទទួលស្វាគមន៍ក្រុមភ្ញៀវបិសាចក្រហម Manchester United ក្នុងជំនួបប្រចាំក្របខណ្ឌ Premier League សប្ដាហ៍ទី១៣ កាលពីរាត្រីថ្ងៃអាទិត្យកន្លងទៅនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្រុមម្ចាស់ផ្ទះមានឱកាសសម្រុកគ្នាទៅវិញទៅមកដោយ ក្រុមម្ចាស់ផ្ទះស៊ុតបាន៩ជើង ចំគោលដៅ៨ដងសម្រេចទីបាន៣គ្រាប់ ចំណែកឯក្រុមភ្ញៀវ ស៊ុតបាន៩ជើង ចំគោលដៅ៥ដង ទម្លុះសំណាញ់ទីបាន៣គ្រាប់ដូចគ្នា។
ក្រុមម្ចាស់ផ្ទះជាអ្នកស៊ុតបើកឆាកនាំមុខ២គ្រាប់ក្នុងតង់ទី១ដោយកីឡាករ John Fleck និង Lys Mousset ការប្រកួតអូសបន្លាយរហូតដល់នាទី៧២ទើបក្រុមភ្ញៀវ Man Utd មានឱកាសវាយបកវិញ ដោយពីចន្លោះនាទី៧២ ដល់ ៧៩ ពួកគេស៊ុតបាន៣គ្រាប់ ដោយកីឡាករ Brandom Williams, Masson Greenwood និង Marcus Rashford។ លុះជិតបញ្ចប់ការប្រកួតនៅនាទីទី៩០ក្រុមម្ចាស់ផ្ទះក៏វាយបកតាមស្មើវិញតាម ៣-៣ រយៈកីឡាករ Oliver McBurnie។
ដូច្នេះបញ្ចប់៩០នាទីក្រុមទាំងពីរទទួលបានលទ្ធផលស្មើគ្នា៣ទល់នឹង៣ ចែកគ្នាបានម្នាក់ពិន្ទុ ដោយក្រុម Sheffield United ឡើងមកឈរលេខ៦ក្នុងតារាងមាន១៨ពិន្ទុ ចំណែកឯក្រុម Manchester United ឈរចំណាត់ថ្នាក់លេខ៩មាន១៧ពិន្ទុ គិតត្រឹម១៣ប្រកួត៕
បើចង់ឃើញការស៊ុតបញ្ចូលទីគ្នាអស្ចារ្យយ៉ាងណានោះ សូមទស្សនាវីដេអូខាងក្រោម៖