អង់គ្លេស៖ បើតាមសេចក្ដីរាយការណ៍បានឲ្យដឹងថាក្លិប Manchester United បានប្រាប់ក្លិប Roma ថារួចរាល់ក្នុងការចំណាយលុយ ៥២លានផោនទិញយកខ្សែបម្រើជម្រើសជាតិអ៊ីតាលី Nicolo Zaniolo។

កីឡាករ Nicolo Zaniolo

កាលពីសប្ដាហ៍មុន ក្លិបបិសាចក្រហមបានជួបពិភាក្សាជាមួយអ្នកតំណាងរបស់ក្លិប Roma ជុំវិញការផ្ទេរខ្សែបម្រើ Zaniolo ដែលរកគ្រាប់បាល់បាន ៣គ្រាប់ ក្នុងចំណោមការបង្ហាញខ្លួនចុងក្រោយ ៤ប្រកួតឲ្យ Roma ក្នុងក្របខណ្ឌ Serie A នៅរដូវកាលនេះ។

បើតាមការចុះផ្សាយរបស់កាសែតអ៊ីតាលី Messaggero ក្លិប Manchester United បានរៀបចំរួចរាល់ក្នុងការចំណាយប្រាក់ ៥២លានផោនសម្រាប់ការនាំយកខ្សែបម្រើវ័យ២០ឆ្នាំ Zaniolo មកលេងនៅកីឡដ្ឋាន Old Trafford។

យ៉ាងណាមិញ Man UTD ត្រូវប្រឈមមុខជាមួយក្លិបអ្នកមាននៅបារាំង Paris Saint-Germain ខណៈជើងឯកបារាំងត្រូវបានគេដឹងថាបានដាក់ការចាប់អារម្មណ៍និងចង់បានជាខ្លាំងមកលើកីឡាករវ័យក្មេងរូបនេះ។

គួរឲ្យដឹងដែរថា ខ្សែបម្រើវ័យក្មេងកំពុងឡើងជើង Nicolo Zaniolo រកបានគ្រាប់ ២គ្រាប់ហើយក្នុងចំណោមការបង្ហាញខ្លួនសរុប ៥ប្រកួតឲ្យក្រុមជម្រើសជាតិឈុតធំអ៊ីតាលី៕

កីឡាករ Nicolo Zaniolo
កីឡាករ Nicolo Zaniolo

ប្រភព​​​៖ SportsMole

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]