អង់គ្លេស៖ លោក Jose Mourinho ក្នុងនាមជាអ្នកចាត់ការទូទៅថ្មី បានប្រាប់ទៅដល់ប្រធានក្លិប Tottenham Hotspurs លោក Daniel Levy ថាមិនត្រូវលក់ខ្សែប្រយុទ្ធឆ្នើមសញ្ជាតិអង់គ្លេសកីឡាករ Harry Kane ដាច់ខាត។

  កីឡាករ Harry Kane

ក្លិប Tottenham Hotspurs បានប្រកាសតែងតាំងលោក Jose Mourinho ជាគ្រូបង្វឹកថ្មី មកដឹកនាំជំនួសលោក Mauricio Pochettino កាលពីថ្ងៃពុធ ក្នុងកិច្ចសន្យារហូតដល់បញ្ចប់រដូវកាល២០២២/២៣ ជាមួយនឹងថ្លៃឈ្នួលនឿយហត់ ១៥លានផោន (ឬប្រហែល ១៩លានដុល្លារអាមេរិក) ក្នុងមួយឆ្នាំ ច្រើនជាងលោក Pochettino ២ដង ដោយអ្នកចាត់ការទូទៅសញ្ជាតិអាហ្សង់ទីនរូបនេះ ទទួលបានតែ៨លានផោន (ឬប្រហែល ១០លានដុល្លារអាមេរិក) ប៉ុណ្ណោះក្នុង១ឆ្នាំ។

លោក Mourinho មើលឃើញថាកីឡាករ Harry Kane ជាផ្នែកមួយដ៏សំខាន់ក្នុងគម្រោងរបស់គាត់ដោយលោកបានប្រាប់លោក Levy ថា មិនត្រូវលក់កីឡាកររូបនេះដាច់ខាត ទោះបីក្នុងកាលៈទេសៈណាក៏ដោយ។

លោក Mourinho ជាមួយនឹងកីឡាករ Harry Kane

គ្រូបង្វឹកវ័យ៥៦ឆ្នាំរូបនេះ ពេញចិត្តទៅលើកីឡាករ Harry Kane ជាយូរណាស់មកហើយ ដោយលោកចង់បាននិងព្យាយាមចែចូវយកកីឡាកររូបនេះតាំងពីលោកនៅដឹកនាំក្លិបបិសាចក្រហម Manchester United មកម្ល៉េះ។

លោក Mourinho ជាមួយនឹងកីឡាករ Spur នៅទីលានហ្វឹកហាត់ 

គួររម្លឹកផងដែរថាកីឡាករ Harry Kane ជាយុវជនថ្នាលរបស់ក្លិប Tottenham ផ្ទាល់ ហើយបានតម្លើងអោយមកលេងក្នុងឈុតធំកាលពីឆ្នាំ២០១៣ ដោយបង្ហាញខ្លួនសរុបបានចំនួន ២៦៨ប្រកួត ស៊ុតបញ្ចូលទីបាន ១៧៤គ្រាប់ និង Assists បានចំនួន២៩ដង៕

ប្រភព៖ Dailymail

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]