ភ្នំពេញ៖ ការប្រកួតប្រដាល់គុនខ្មែរ ដណ្ដើមខ្សែក្រវ៉ាត់របស់ស្ថានីយ៍ទូរទស្សន៍អាស៊ីអាគ្នេយ៍កាលពីរសៀលថ្ងៃសៅរ៍សប្ដាហ៍មុន កីឡាករកម្ពុជា សេង ស្រឿន បានប្រកួតចាញ់កីឡាករឆ្លងដែនមកពីប្រទេសថៃ លំឡេង ដោយសន្លប់នៅក្នុងទឹកទី២។

កីឡាករថៃ លីងលំ ឈ្នះការប្រកួត

ការប្រកួតនៅដើមទឹកទី១កីឡាករទាំងពីរមិនបានចេញក្បាច់ឬអាវុធគួរឲ្យកត់សម្គាល់នោះទេ ដោយគ្រាន់តែស្ទាបស្ទង់ប៉ុណ្ណោះ ប៉ុន្តែនៅចុងទឹកទាំងកម្ពុជា និងថៃបានទាត់គ្នាខ្លាំងទៅវិញទៅមក ជាពិសេស សេង ស្រឿន បានព្យាយាមទាត់ជើងក្រោមរបស់លីងលំ។

ការប្រកួតអូសបន្លាយចូលដល់ទឹកទី២ កីឡាករទាំងពីរបានប្ដូរជើងគ្នាដោយ សេង ស្រឿន ទាត់ក្រោម និងកីឡាករថៃ លីងលំ ផ្កាប់ចាន។ ប៉ុន្តែជើងលីងលំ បានចូលពេញធ្វើឲ្យ សេង ស្រឿន សន្លប់ធំនៅក្នុងទឹកទី២នោះតែម្ដង៕

សេង ស្រឿន សន្លប់
ចង់ឃើញថា មួយជើងផ្កាប់ចានរបស់ លីងលំ ចូលពេញណានោះ ទៅទស្សនាវីដេអូខាងក្រោមទាំងអស់គ្នា៖

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]