អង់គ្លេស៖ ក្លិបហង្សក្រហម Liverpool ត្រូវបានគេរាយការណ៍ថាបានចាប់អារម្មណ៍ទៅលើខ្សែបម្រើស្លាបវ័យ២៦ឆ្នាំរបស់ក្លិប Athletic Bilbao កីឡាករ Iker Muniain។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករសញ្ជាតិអេស្ប៉ាញរូបនេះបានបង្ហាញទម្រង់លេងយ៉ាងលេចធ្លោ ដោយក្នុងរដូវកាលនេះរូបគេបង្ហាញខ្លួនបានចំនួន១៣ប្រកួតអោយក្រុម Athletic Bilbao ស៊ុតបញ្ចូលទីបាន៤គ្រាប់។
យោងតាមកាសែត Don Balon បានអោយដឹងថាក្លិបហង្សក្រហមបានដាក់គោលដៅយកកីឡាកររូបនេះនៅរដូវក្ដៅឆ្នាំក្រោយ ខណៈពេលដែលក្លិបក៏កំពុងតាមដានពីទម្រង់លេងរបស់កីឡាកររូបនេះផងដែរ។
បើយោងតាមការវាយតម្លៃរបស់គេហទំព័រ Transfermarkt បានអោយដឹងថា តម្លៃខ្លួនរបស់កីឡាកររូបនេះបច្ចុប្បន្នមានតម្លៃប្រមាណ១៣,៥លានផោន (ឬប្រហែល១៧លានដុល្លារអាមេរិក)។
គួររម្លឹកផងដែរថា Iker Muniain ជាយុវជនថ្នាលរបស់ក្លិប Athletic Bilbao ហើយបានតម្លើងអោយមកលេងក្នុងឈុតធំកាលពីឆ្នាំ២០០៩ ដោយបង្ហាញខ្លួនសរុបបានចំនួន៣៩៨ប្រកួត ស៊ុតបញ្ចូលទីបាន៥៨គ្រាប់ និងបញ្ជូនបាល់អោយមិត្តរួមក្រុមបញ្ចប់ទីបានចំនួន៤០ដង៕
ប្រភព៖ Caughtoffside