កូរ៉េខាងត្បូង៖ ពីដំបូងតារាចម្រៀងស្រី Park Bom បានធ្វើការរំឮកការចងចាំរបស់ Blackjacks តាមរយៈការសម្តែងរបស់នាងនៅក្នុងកម្មវិធី Queendom ដែលនាងបានលើកយកនូវបទចម្រៀងរបស់ក្រុម 2NE1 មកសម្តែងនៅលើឆាកដើម្បីជាការគោរព និងរំឮកអនុស្សាវរីយ៍នានារវាងនាង និងសមាជិកក្រុមទាំងមូល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សតួយ៉ាង ថ្មីៗនេះតារាចម្រៀងស្រីវ័យ៣០ប្លាយរូបនេះ ក៏បានធ្វើឲ្យអ្នកគាំទ្រមានការភ្ញាក់ផ្អើលជាថ្មីម្តងទៀត ដោយនាងបានបង្ហោះនូវវីដេអូឃ្លីបខ្លីមួយ នៅលើគណនីអ៊ីនស្តារក្រាមផ្ទាល់ខ្លួន បង្ហាញក្បាច់រាំយ៉ាងគួរឲ្យស្រលាញ់។
ជាការពិតណាស់ តាមរយៈវីដេអូឃ្លីបខាងក្រោមនេះ បានឲ្យឃើញថា Park Bom នាងបានប្រទះឮគេចាក់បទចម្រៀង «Fire» របស់អតីតក្រុមរបស់ខ្លួន ខណៈពេលដែលនាងកំពុងតែដើរលេងតាមផ្លូវ ស្រាប់តែភ្លាមៗនោះ ដោយសារតែទប់ចិត្តទ្រាំមិនបាន នាងក៏បានងាកមើលឆ្វេងស្តាំរួចក៏រាំតិចៗ យ៉ាងគួរឲ្យស្រលាញ់ បន្ទាប់មកនាងក៏បានរត់ចេញពីកន្លែងនោះ យ៉ាងខ្មាសអៀនតែម្តងផងដែរ។
យ៉ាងណាមិញ ក្រោយពីទស្សនាវីដេអូមួយនេះហើយ បានធ្វើឲ្យអ្នកគាំទ្រស្ទើរតែទប់សំណើចមិនបាន ជាមួយនឹងភាពគួរឲ្យស្រលាញ់របស់ Park Bom ផងដែរ៕