អង់គ្លេស៖ ក្លិបមាន់ខ្នាយមាស Tottenham Hotspur កំពុងចរចាជាមួយនឹងលោក Jose Mourinho ដើម្បីអោយលោកមកដឹកនាំក្លិបបន្ត បន្ទាប់ពីក្លិបបានសម្រេចចិត្តចែកផ្លូវជាមួយនឹងលោក Mauricio Pochettino កាលពីម្សិលមិញ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Mourinho បានទំនេរពីការងារជាគ្រូបង្វឹកតាំងពីខែធ្នូរឆ្នាំមុនមកម៉្លេះ ក្រោយត្រូវបានក្លិប Manchester United បណ្ដេញចេញ។
យោងតាមរបាយការណ៍របស់ Skysports ដែលបានចុះផ្សាយកាលពីខែមុនបានអោយដឹងថា លោក Jose Mourinho មានបំណងចង់ត្រលប់មកដឹកនាំនៅ Premier League វិញ ដោយចង់ឈ្នះពានរង្វាន់ធំៗ ជាមួយនឹងក្លិបទី៣នៅ Premier League បន្ទាប់ពីធ្លាប់ដឹកនាំក្លិប Chelsea និង Manchester United។
គួររម្លឹកផងដែរថាលោក Jose Mourinho ធ្លាប់មានបទពិសោធន៍ច្រើនជាមួយនឹងក្លិបនៅ Premier League ដោយលោកធ្លាប់ដឹកនាំក្លិប Chelsea ជួយក្លិបមួយនេះលើកពាន Premier League ចំនួន៣ដង ហើយលោកក៏ធ្លាប់ចំណាយពេលជិត៣ឆ្នាំជាមួយនឹងក្លិបបិសាចក្រហម Manchester United ដោយធ្លាប់ជួយក្លិបលើកពាន Europa League ចំនួន១ដងផងដែរ៕
ប្រភព៖ Skysports