អង់គ្លេស៖ ក្លិបមេឃខៀវ Manchester City ត្រូវបានគេរាយការណ៍ថាបានចាប់ចិត្តទៅលើខ្សែការពារសញ្ជាតិបារាំងរបស់ក្លិប RB Leipzig កីឡាករ Dayot Upamecano ដោយមានបំណងចង់ចុះកុងត្រាយកកីឡាកររូបនេះ នៅអំឡុងពេលទីផ្សារដោះដូរកីឡាករ ខែមករា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកីឡាករ Dayot Upamecano បានក្លាយជាកីឡាករដ៏សំខាន់១រូបរបស់ក្លិប RB Leipzig ចាប់តាំងពីផ្លាស់ពីក្លិប Red Bull Salzburg ក្នុងឆ្នាំ ២០១៧ មក ដោយបង្ហាញខ្លួនសរុបបានចំនួន ៨៦ប្រកួត និងស៊ុតបញ្ចូលទីបាន៣គ្រាប់។
យោងតាមគេហទំព័រ 90min បានអោយដឹងថាក្លិប Manchester City កំពុងពិចារណាក្នុងការដាក់សំណើដេញថ្លៃយកខ្សែការពារវ័យ២១ឆ្នាំរូបនេះ នាខែមករាខាងមុខ ខណពេលដែលក្លិប Man City កំពុងត្រូវការខ្សែការពារជាចាំបាច់ បន្ទាប់ពីខ្សែការពារកណ្ដាលដ៏សំខាន់១រូបរបស់ពួកគេគឺកីឡាករ Aymeric Laporte កំពុងមានបញ្ហារបួសជង្គង់។
តាមរយៈប្រភពដដែលបានអោយដឹងបន្តទៀតថា តម្លៃខ្លួនរបស់ខ្សែការពារកណ្ដាលរូបនេះ បច្ចុប្បន្នមានតម្លៃប្រមាណ៤០លានផោន (ឬប្រហែល៥១លានដុល្លារអាមេរិក) ។
គួររម្លឹកផងដែរថាមិនមែនមានតែក្លិប Manchester City នោះទេ ដែលចាប់អារម្មណ៍ចង់បានកីឡាករ Dayot Upamecano ក្នុងនោះក៏មានក្លិប Arsenal និង Barca ដែលកំពុងតាមចែចូវយកកីឡាកររូបនេះ៕
ប្រភព៖ Caughtoffside