អង់គ្លេស៖ ក្លិប Aston Villa មិនមានគម្រោងក្នុងការលក់ខ្សែបម្រើឆ្នើមរបស់ខ្លួន កីឡាករ John McGinn ទៅអោយក្រុមបិសាចក្រហម Manchester United អំឡុងពេលទីផ្សារដោះដូរកីឡាករខែមករាខាងមុខនេះទេ ប៉ុន្តែអាចនឹងពិចារណាអោយរូបគេចាកចេញនារដូវឆ្នាំក្រោយវិញ ប្រសិនបើក្លិបទទួលសំណើសមរម្យណាមួយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្លិប Man Utd មានទំនាក់ទំនងខ្លាំងក្នុងការចរចាយកខ្សែបម្រើសញ្ជាតិស្កុតលែនរូបនេះ នៅពេលទីផ្សារដោះដូរកីឡាករបើកទ្វារម្ដងទៀត ដោយលោក Ole Gunnar Solskjaer សន្យាថានឹងនាំយកកីឡាករថ្មីៗមកជួយពង្រឹងក្រុម។
កីឡាករ McGinn ជាចំណែកមួយដ៏សំខាន់ដែលបានជួយក្រុម Aston Villa ឡើងពីក្របខណ្ឌ Championship មកលេងក្នុងក្របខណ្ឌ Premier League ហើយក្នុងរដូវកាល២០១៩/២០នេះ រូបគេបង្ហាញខ្លួនបាន១៣ប្រកួត ស៊ុតបញ្ចូលទីបាន២គ្រាប់ និងបញ្ជូនបាល់អោយមិត្តរួមក្រុមស៊ុតបញ្ចូលទីបាន២ដង។
យោងតាមកាសែត Birmingham Mail បានអោយដឹងថាក្លិប Aston Villa នឹងមិនទទួលសំណើណាមួយឡើយ ក្នុងការចរចាយក McGinn នាខែមករាខាងមុខ បើទោះបីជាមានការផ្ដល់ជួនពិសេសណាមួយក៏ដោយ ដោយពួកគេនឹងធ្វើការពិចារណាទទួលសំណើនារដូវក្ដៅឆ្នាំក្រោយ។
គួររម្លឹកផងដែរថាកីឡាករ John McGinn បានចាកចេញពីក្លិប Hibernian FC មកចូលរួមជាមួយនឹងក្លិប Aston Villa កាលពីឆ្នាំ២០១៨ ជាមួយនឹងតម្លៃផ្ទេរ៣,១លានអឺរ៉ូ (ឬប្រហែល៣,៤លានដុល្លារអាមេរិក) ដោយបង្ហាញខ្លួនសរុបបានចំនួន៥៨ប្រកួត ស៊ុតបញ្ចូលទីបាន១០គ្រាប់ និងបញ្ជូនបាល់អោយមិត្តរួមក្រុមសម្រេចទីបានចំនួន១២ដង៕
ប្រភព៖ Mirror