អឺរ៉ុប៖ អាល្លឺម៉ង់ និងហូឡង់គឺជាក្រុមទាំងពីរក្នុងពូល C ដែលបានកក់កៅអីទៅលេងជុំផ្ដាច់ព្រ័ត្រពានរង្វាន់ EURO 2020។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងការប្រកួតសន្សំពិន្ទុពូល C ជុំទី៧ វគ្គជម្រុះកាលពីយប់មិញ ក្រុមភ្ញៀវហូឡង់បានត្រឹមស្មើគ្នាជាមួយម្ចាស់ផ្ទះក្រុមអៀរឡង់ខាងជើង ០-០។ បើទោះបីជាទទួលបានត្រឹម១ពិន្ទុ ប៉ុន្តែហូឡង់បានរួចរាល់ក្នុងការកក់កៅអីទៅលេងជុំផ្ដាច់ព្រ័ត្រ ក្រោយខកខានអស់រយៈពេល៨ឆ្នាំ។
ចំណែកឯមួយគូទៀតបានបញ្ចប់ទៅដោយលទ្ធផលឥន្ទ្រីដែកអាល្លឺម៉ង់យកឈ្នះបេឡារុស ៤ទល់នឹង០។ ៤គ្រាប់របស់កូនក្រុមលោក Joachim Low រកបានដោយកីឡាករ Ginter ១គ្រាប់, Goretzka ១គ្រាប់ និង Toni Kross ២គ្រាប់។
ក្រឡេកមកមើលតារាងពិន្ទុក្នុងពូល C វិញអាល្លឺម៉ង់ជាក្រុមលេខ១ ដោយ៧ប្រកួតឈ្នះ៦ និងចាញ់១ មាន១៨ពិន្ទុ ខណៈហូឡង់ឈរនៅលេខ២ មាន១៦ពិន្ទុ ៧ប្រកួត ឈ្នះ៥ ស្មើ១ និងចាញ់១៕
សូមទស្សនាវីដេអូ Highlight នៅខាងក្រោម៖