អឺរ៉ុប៖ អាល្លឺម៉ង់ និងហូឡង់គឺជាក្រុមទាំងពីរក្នុងពូល C ដែលបានកក់កៅអីទៅលេងជុំផ្ដាច់ព្រ័ត្រពានរង្វាន់ EURO 2020។

ក្នុងការប្រកួតសន្សំពិន្ទុពូល C ជុំទី៧ វគ្គជម្រុះកាលពីយប់មិញ ក្រុមភ្ញៀវហូឡង់បានត្រឹមស្មើគ្នាជាមួយម្ចាស់ផ្ទះក្រុមអៀរឡង់ខាងជើង ០-០។ បើទោះបីជាទទួលបានត្រឹម១ពិន្ទុ ប៉ុន្តែហូឡង់បានរួចរាល់ក្នុងការកក់កៅអីទៅលេងជុំផ្ដាច់ព្រ័ត្រ ក្រោយខកខានអស់រយៈពេល៨ឆ្នាំ។

ការប្រកួតរវាងអៀរឡង់ខាងជើង និងហូឡង់

ចំណែកឯមួយគូទៀតបានបញ្ចប់ទៅដោយលទ្ធផលឥន្ទ្រីដែកអាល្លឺម៉ង់យកឈ្នះបេឡារុស ៤ទល់នឹង០។ ៤គ្រាប់របស់កូនក្រុមលោក Joachim Low រកបានដោយកីឡាករ Ginter ១គ្រាប់, Goretzka ១គ្រាប់ និង Toni Kross ២គ្រាប់។

ការប្រកួតរវាងអាល្លឺម៉ង់ និងបេឡារុស

ក្រឡេកមកមើលតារាងពិន្ទុក្នុងពូល C វិញអាល្លឺម៉ង់ជាក្រុមលេខ១ ដោយ៧ប្រកួតឈ្នះ៦ និងចាញ់១ មាន១៨ពិន្ទុ ខណៈហូឡង់ឈរនៅលេខ២ មាន១៦ពិន្ទុ ៧ប្រកួត ឈ្នះ៥ ស្មើ១ និងចាញ់១៕

សូមទស្សនាវីដេអូ Highlight នៅខាងក្រោម៖

អៀរឡង់ខាងជើង 0-0 ហូឡង់
អាល្លឺម៉ង់ ៤-0 បេឡារុស

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected]hmerload.com (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]