ខ្លាំងប៉ះខ្លាំងជក់ចិត្តសាហាវ! Messi ស៊ុត១គ្រាប់ជួយអាហ្សង់ទីនបំបាក់ប្រេស៊ីលលើកពានមិត្តភាព (មានវីដេអូ)

អារ៉ាប់ប៊ីសាអូឌីត៖​ ក្រុមជម្រើសជាតិប្រេស៊ីលបានប្រកួតជាមួយនឹងក្រុមជម្រើសជាតិអាហ្សង់ទីនជាលក្ខណៈមិត្តភាព កាលពីរាត្រីថ្ងៃសុក្រ កន្លងទៅនេះ នៅកីឡដ្ឋាន King Suad University ប្រទេសអារ៉ាប់ប៊ីសាអូឌីត។

ក្រុមទាំងពីរមានឱកាសម្រុកគ្នាទៅវិញទៅមក ដោយក្រុមជម្រើសជាតិប្រេស៊ីលស៊ុតបាន៦ជើង ចំគោលដៅ៣ដង ចំណែកក្រុមជម្រើសជាតិអាហ្សង់ទីន ស៊ុតបាន១២ជើង ចំគោលដៅ៦ដង សម្រេចទីបាន១គ្រាប់។

១គ្រាប់របស់ក្រុមអាហ្សង់ទីនធ្វើបានដោយខ្សែបម្រើប្រយុទ្ធឆ្នើមរបស់ក្លិប FC Barcelona កីឡាករ Lionel Messi តាមរយៈការស៊ុតបាល់ពិន័យ១១ម៉ែត្រ នៅនាទីទី១៤ ចំណែកឯក្រុមជម្រើសជាតិប្រេស៊ីលក៏មានឱកាសស៊ុតបាល់ប៉េណាល់ទីបាន១លើកផងដែរ នៅនាទីទី១០ ដោយកីឡាករ Gabriel Jesus ប៉ុន្តែស៊ុតមិនចំគោលដៅនោះទេ។

ដូច្នេះក្រោយបញ្ចប់ការប្រកួតក្រុមជម្រើសជាតិអាហ្សង់ទីន ទទួលជ័យជម្នះទៅលើក្រុមជម្រើសជាតិប្រេស៊ីលក្នុងលទ្ធផល ១-០៕

បើចង់ឃើញការស៊ុតបញ្ចូលទីអស្ចារ្យយ៉ាងណានោះ សូមទស្សនាវីដេអូខាងក្រោម៖