ហ្វេនផ្ទុះសំណើច​ គ្រាន់តែ Taeyang បង្ហោះរូបEdit ដាក់ពុកមាត់ភ្លាម ស្រាប់តែCL ចូលCommentបែបនេះភ្លែត!

កូរ៉េខាងត្បូង៖ មិនប៉ុន្មានម៉ោងមុននេះ តារាចម្រៀងប្រុស Taeyang សមាជិកក្រុម Big Bang បានចែករំលែកនូវរូបថតគួរឲ្យចាប់អារម្មណ៍ មិនប៉ុន្មានសន្លឹក​ នៅលើគណនីអ៊ីនស្តារក្រាមផ្ទាល់ខ្លួនរបស់លោក។

ជាក់ស្តែង​ នៅក្នុងរូបថតទាំងនោះ តារាចម្រៀងវ័យ៣២ឆ្នាំរូបនេះ បានបង្ហោះនូវរូបថត៣សន្លឹក ដែលលោកបាន Edit ដាក់ពុកមាត់ពុកចង្ការ និងបានសរសេរអត្ថន័យនៅខាងក្រោមនោះថា « Mature Bae » ដែលចង់មានន័យថា លោកមើលទៅមានមុខមាត់ចាស់ទុំជាងមុន។

ដោយឡែក គ្រាន់តែTaeyang បានបង្ហោះរូបទាំងនេះមិនទាន់ទាំងបានប៉ុន្មានផង ស្រាប់តែមិត្តភក្តិដ៏ល្អរាប់ឆ្នាំរបស់លោក គឺតារាចម្រៀងស្រី CL បានចូលទៅComment នៅខាងក្រោមនោះថា « អ៎ា, មើលទៅមិនកើតទេ!!!!!!!!» នាងបន្ថែមថា «ឲ្យលឿនទៅ លុបវាចេញទៅ»។

ក្រោយពីឃើញបែបនេះ បានធ្វើឲ្យប្រិយមិត្តគាំទ្រជាច្រើន អត់ទ្រាំមិនអស់សំណើចមិនបាន ជាពិសេសគឺកានតែកោតសរសើរ ពីមិត្តភក្តិដ៏យូរអង្វែងរបស់អ្នកទាំងពីរថែមទៀតផងដែរ៕