អង់គ្លេស៖ អ្នកចាត់ការទូទៅក្លិបហង្សក្រហម ​Liverpool លោក Jürgen Klopp បានបញ្ជាក់ថា ក្លិប Liverpool គ្មានលទ្ធភាពក្នុងការចុះហត្ថលេខាយកខ្សែប្រយុទ្ធវ័យក្មេងសញ្ជាតិបារាំងរបស់ក្លិប ​Paris Saint-Germain កីឡាករ Kylian Mbappe នោះទេ។

គ្រូបង្វឹកសញ្ជាតិអាល្លឺម៉ង់រូបនេះ សារភាពថា គ្មានហេតុផលណាមួយដែលគាត់មិនចង់បាន Mbappe នោះទេ គាត់ក៏ធ្លាប់ចាប់អារម្មណ៍ទៅលើកីឡាកររូបនេះផងដែរតាំងពីគេជាកីឡាកររបស់​ក្លិប Monaco ម្ល៉េះ។

  កីឡាករ Kylian Mbappe

លោក ​Klopp ធ្លាប់ណាត់ជួបជាមួយនឹងគ្រួសាររបស់​ Mbappe ដើម្បីបញ្ចុះបញ្ចូលខ្សែប្រយុទ្ធឆ្នើមរូបនេះចុះហត្ថលេខាជាមួយនឹងក្លិប​ Liverpool កាលពីពីរឆ្នាំមុន ប៉ុន្តែរូបគេសម្រេចចិត្តស្នាក់នៅទឹកដីប្រទេសបារាំងបន្ត ដោយចូលរួមជាមួយនឹងក្លិប PSG ក្នុងលក្ខខណ្ឌខ្ចីជើង រួចក៏ផ្ទេរជាអចិន្ត្រៃក្នុងតម្លៃ១៦០លានផោន(ឬប្រហែល២០៤លានដុល្លារអាមេរិក)។

កាលពីដើមសប្ដាហ៍នេះ មានព័ត៌មានជាច្រើនបានចុះផ្សាយថាកីឡាករ Mbappe អាចនឹងផ្ទេរមកកាន់ទឹកដី Anfield ដោយលោក Klopp ឆ្លើយតបទៅលើរឿងនេះថាក្លិបមានឱកាសតិចណាស់ក្នុងការធ្វើកិច្ចព្រមព្រៀជាមួយ PSG ក្នុងការផ្ទេរយក Mbappe។

លោក Klopp បាននិយាយថា៖

លោក Jürgen Klopp

គួររម្លឹកផងដែរថា លោក Jürgen Klopp នឹងដឹកនាំក្រុម Liverpool ប្រកួតជាមួយនឹងក្រុមជើងខ្លាំង Manchester City ក្នុងក្របខណ្ឌ Premier league សប្ដាហ៍ទី១២នេះ នៅថ្ងៃស្អែកវេលាម៉ោង ១១:៣០នាទីយប់៕

ប្រភព៖ irishtimes

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]