ភ្នំពេញ៖ ការប្រកួតប្រដាល់គុនខ្មែរមិត្តភាពអន្តរជាតិ ក្នុងកម្មវិធីរបស់ស្ថានីយ៍ទូរទស្សន៍ CNC កាលពីថ្ងៃសៅរ៍សប្ដាហ៍មុន អ្នកលេងគុនខ្មែរមកពីក្លិបក្រសួងការពារជាតិ ធន់ ចាន់តាក់ បានប្រកួតឈ្នះកីឡាករមកពីប្រទេសថៃ ភុតផាតណយ ដោយផ្ដួលឲ្យសន្លប់នៅក្នុងទឹកទី២។

ប្រវត្តិសង្ខេបរបស់កីឡាករទាំងពីរ

ចាប់ផ្ដើមទឹកទី១ភ្លាម កីឡាករទាំងពីរមិនបានស្ទាបស្ទង់គ្នានោះទេ ដោយបានសម្រុកគ្នាយកតែម្ដង ដោយកីឡាករថៃព្យាយាមទាត់ជើងក្រោមខណៈ ចាន់តាក់ ប្រើយុទ្ធសាស្រ្តវាយលើធ្ងន់ៗ។ យ៉ាងណាចូលទឹកទី២ កូនសិស្សរបស់លោកគ្រូ ធន់ សុភា បានបុកខ្លាំងទៅលើកីឡាករថៃជាពិសេសការប្រើដៃ និងកែង ដោយបានធ្វើឲ្យកីឡាករថៃត្រូវលោកអាជ្ញាកណ្ដាលរាប់ម្ដង មុននឹងបន្តសម្រុករហូតចូលមួយជង្គង់ពេញធ្វើឲ្យកីឡាករថៃដេកដួល និងក្រោកមិនរួចតែម្ដង។

ជាលទ្ធផល ធន់ ចាន់តាក់ បានយកឈ្នះកីឡាករថៃ ភុតផាតណាយ ដោយវាយដៃគូឲ្យបោះបង់ចោលការប្រកួតនៅក្នុងទឹកទី២៕

ចង់ឃើញថា ធន់ ចាន់តាក់ ផ្ដួលកីឡាករថៃឲ្យដេកស្អាតយ៉ាងណានោះ ទៅទស្សនាវីដេអូខាងក្រោមទាំងអស់គ្នា៖

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 085836679 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 085836679 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]