ថៃ៖ ប្រិយមិត្តមួយចំនួនធំប្រាកដជាបានជ្រាបហើយថា កាលពីថ្មីៗនេះ តារាចម្រៀងស្រីល្បីឈ្មោះលំដាប់អន្តរជាតិសញ្ជាតិថៃ Lisa សមាជិកក្រុម BLACKPINK បានឆ្លៀតពេលវេលាសម្រាកេបស់ខ្លួន នាំក្រុមគ្រួសារទៅលំហែរកាយនៅផ្ទៃសមុទ្រ ភូកេត ប្រទេសថៃ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ កាលពីម្សិលមិញនេះផងដែរ Lisa ក៏បានបង្ហោះនូវរូបថតជាច្រើនសន្លឹក ក្នុងអំឡុងពេលវិស្សមកាលរបស់នាង ដែលនាងកំពុងតែអង្គុយនៅលើទូកផ្ទាល់ខ្លួន ស្លៀកខោខ្លីអាវចេញផ្ចិត បង្ហាញសាច់សខ្ចី ធ្វើឲ្យប្រិយមិត្តគាំទ្រស្ទើរតែទប់អារម្មណ៍មិនបាន ។
ដោយឡែក ស្រាប់តែកាលពីព្រឹកមិញនេះ តារាចម្រៀងស្រីវ័យ២២ឆ្នាំរូបនេះ ក៏បានពញ្ញាក់អារម្មណ៍អ្នកគាំទ្រកាន់តែខ្លាំងជាងមុនទៅទៀត ពោលគឺនាងបានបង្ហោះនូវរូបថតជាច្រើនសន្លឹក ដែលនាងកំពុងអង្គុយលើឆ្នេរខ្សាច់ ក្នុងឈុតប៊ីគីនីពណ៌ផ្ទៃមេឃស្រស់ និងមានរ៉ូបស្បៃពណ៌ខ្មៅពាក់ពីខាងក្រៅផងដែរ។
លើសពីនេះទៅទៀតនោះ ហ្វេនថែមទាំងបានរកឃើញទៀតថា ឈុតប៊ីគីនី ដែលLisa កំពុងតែស្លៀកនេះគឺជា ប៊្រេនណែមម៉ាក SIRIVANNAVARI Bangkok មានតម្លៃ ១៨៧.៧៦ ដុល្លារអាមេរិក។ តួយ៉ាង អាចនិយាយបានថា នេះគឺជាលើកទី១ហើយ ដែល Lisa បានស្លៀកឈុតប៊ីគីនី បង្ហាញឲ្យអ្នកគាំទ្រមានឃើញបែបនេះ ហើយគ្រប់គ្នាក៏សង្ឃឹមថា នាងនឹងបង្ហោះរូបថតដើរលេងថ្មីៗបន្ថែមទៀត នៅលើគណនីអ៊ីនស្តារក្រាមផ្ទាល់ខ្លួនរបស់នាងផងដែរ៕