អង់គ្លេស៖ ខ្សែបម្រើប្រយុទ្ធសញ្ជាតិអង់គ្លេសរបស់ក្លិប Liverpool កីឡាករ Adam Lallana ត្រូវបានគេរាយការណ៍ថាកំពុងស្ថិតក្នុងគោលដៅរបស់ក្លិបនៅលីគកំពូលចិន និងក្លិបនៅលីគកំពូលប្រទេសអាមេរិក Major League Soccer ក្នុងទីផ្សារដោះដូរកីឡាករខាងមុខនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកុងត្រារបស់កីឡាករវ័យ៣១ឆ្នាំរូបនេះ នឹងត្រូវផុតកំណត់ជាមួយនឹងក្លិបហង្សក្រហម Liverpool នាពេលបញ្ចប់រដូវកាលនេះ ហើយក្លិបបានត្រៀមរួចរាល់ក្នុងការពិភាក្សាបន្តកុងត្រាថ្មី ដោយលោក Klopp បានធ្វើការកោតសរសើរពីសម្ថភាពនិងភាពជាអ្នកដឹកនាំរបស់រូបគេក្នុងក្រុម។ ប៉ុន្តែខ្សែបម្រើសញ្ជាតិអង់គ្លេសរូបនេះ ក៏អាចនឹងត្រូវផ្ទេរចេញផងដែរប្រសិនបើមានក្លិបផ្សេងៗចាប់អារម្មណ៍ខ្លាំងទៅលើរូបគេ នៅក្នុងទីផ្សារដោះដូរកីឡាករខែមករាខាងមុខ ដើម្បីមានឱកាសបានលេងទៀងទាត់ក្នុងជម្រើស១១នាក់ដំបូង ។
យោងតាមកាសែត Skysports ដែលបានចុះផ្សាយកាលពីថ្ងៃច័ន្ទនេះបានអោយដឹងថាកីឡាករ Adam Lallana កំពុងត្រូវបានក្លិបនៅលីគកំពូលចិន និង ក្លិបនៅ Major League Soccer ចាប់អារម្មណ៍ចង់បានរូបគេ។
គួររម្លឹកផងដែរថាខ្សែបម្រើសញ្ជាតិអង់គ្លេសរូបនេះបានចាកចេញពីក្លិប Southampton មកចូលរួមជាមួយនឹងក្លិបហង្សក្រហម Liverpool កាលពីឆ្នាំ២០១៤ ជាមួយនឹងតម្លៃ៣១លានអឺរ៉ូ (ឬប្រហែល៣៤លានដុល្លារអាមេរិក) ដោយបង្ហាញខ្លួនបាន១៦៤ប្រកួត ស៊ុតបញ្ចូលទីបាន២២គ្រាប់និងបញ្ជូនបាល់អោយមិត្តរួមក្រុមបញ្ចប់ទីបានចំនួន២១ដង៕
ប្រភព៖ Telegraph