កម្ពុជា៖ ការប្រកួតវគ្គជម្រុះពានរង្វាន់ AFC U-19 Championship 2020 ពូល G ដែលកម្ពុជាធ្វើជាម្ចាស់ផ្ទះកាលពីយប់មិញ ក្រុមយុវជនគោព្រៃ U-19 បានបាត់បង់ ៣ពិន្ទុបន្ទាប់ពីប្រកួតចាញ់ក្រុមម៉ាឡេស៊ី U-19 ក្នុងលទ្ធផល ៤ទល់នឹង៥។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សម៉ាឡេស៊ី ជាអ្នកបើកការនាំមុខមុន ៣-០ ក្នុងវគ្គទីមួយដោយគ្រាប់បាល់កីឡាករ ៣រូបផ្សេងគ្នារួមមាន Shafi, Fakurl និង Azrin។ ប៉ុន្តែចូលដល់វគ្គទីពីរនាទី៦១ កម្ពុជា រកបានមួយគ្រាប់តាមពីក្រោយវិញដោយការស៊ុតបាល់ហ្វ្រីឃីគយ៉ាងល្អពីសំណាក់កីឡាករ មិត្ត សាម៉ើយ មុននឹងរកបាន ១គ្រាប់ទៀតដោយការលើកបាល់ចូលទីពីចំហៀងខាងឆ្វេងដោយកីឡាករ ជា សុខម៉េង នៅនាទី៦៥។
តាមពីក្រោយ ២ទល់នឹង៣ បានត្រឹម២នាទី ពោលគឺនៅនាទី៦៧ ម៉ាឡេស៊ី បន្តរកបាន១គ្រាប់ទៀតដោយកីឡាករឆ្នើម Luqman មុននឹងរកបានគ្រាប់ទី៥ ដោយកីឡាករ Muslihuddin នៅនាទី៧៣។
យ៉ាងណាមិញ ក្រុមកម្ពុជានៅតែបន្តសម្រុករហូតរកបាន ២គ្រាប់បន្ថែមទៀតដោយកីឡាករ រី លាភផេង នៅនាទី៧៧ និងការតែតរបស់ សឿត ណាវ៉ា នៅនាទី៨៨ ដែលនាំឲ្យលទ្ធផលចប់ ៩០នាទី កម្ពុជា ចាញ់ ម៉ាឡេស៊ី ៤ទល់នឹង៥។
គួរឲ្យដឹងដែរថា ៥ក្រុមក្នុងពូល G ដែលធ្វើការជម្រុះនៅលើទឹកដីកម្ពុជារួមមាន កម្ពុជា (ម្ចាស់ផ្ទះ), ថៃ, ម៉ាឡេស៊ី, ប្រ៊ុយណេ និងកោះម៉ារីណាខាងជើង៕
ចង់ជ្រាបកាន់តែច្បាស់ សូមទស្សនាវីដេអូ Highlight រវាង U-19 កម្ពុជា និង U-19 ម៉ាឡេស៊ី នៅខាងក្រោម៖