ចិន៖ ចាប់តាំងពីឆ្នាំ២០១៥ រហូតដល់មកពេលនេះ ពោលគឺរយៈពេលជាង៤ឆ្នាំហើយដែល «ស្តេចចម្រៀងប្រចាំអាស៊ី» លោក Jay Chou បានរៀបការសាងគ្រួសារ ជាមួយនឹងតារាម៉ូដែលស្រីកូនកាត់តៃវ៉ាន់-អូស្រ្តាលីអ្នកនាង Hannah Quinlivan។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្តែង អំឡុងពេលជាច្រើនឆ្នាំរស់នៅជាមួយគ្នា គេតែសង្កេតឃើញថា តារាប្រុស Jay Chuo តែងតែបង្ហាញពីការស្រលាញ់មើលថែ និងតែងតែបណ្តើរនាងចេញទៅក្រៅបង្ហាញជាសារធារណៈ ប្រៀបបីដូចជាព្រះនាងក្នុងរឿងនិទានដូច្នោះដែរ។ ដោយទាំងនេះហើយ ទើបធ្វើឲ្យមហាជនមិនឆ្ងល់មិនបាន ពីអាថ៌កំបាំងថ្នាក់ថ្នមស្វាមីយ៉ាងណា ទើប Hannah អាចចងចិត្តតារាល្បីដូចជា Jay Chou ឲ្យតោងនាងស្អិតបែបនេះ។
តួយ៉ាង នៅក្នុងកិច្ចសម្ភាសន៍កាលពីថ្ងៃទី២៥ ខែតុលាកន្លងទៅថ្មីៗនេះ ភរិយាដ៏ស្រស់ស្អាតរបស់ Jay Chuo បានបង្ហើបប្រាប់ពីអាថ៌កំបាំងរស់នៅរវាងប្តីប្រពន្ធដោយថា៖
«ខ្ញុំបានអានសៀវភៅមួយ ដោយដំបូន្មាននៅក្នុងនោះបាននិយាយថា ក្នុងនាមជាមនុស្សស្រី អ្នកគួរតែបិទត្រចៀករបស់អ្នក បិទមាត់របស់អ្នក និងបិទភ្នែករបស់អ្នក។ ខ្ញុំមិនដឹងទេប៉ុន្តែខ្ញុំបានព្យាយាមធ្វើវា។»
បន្ថែមពីនេះ នាងក៏បានសង្កតធ្ងន់ទៅលើសារៈសំខាន់នៃការរស់នៅជាមួយគ្នាដោយថា៖
«នៅពេលដែលអ្នកតែងតែនៅជាមួយគ្នា នោះអ្នកនឹងដឹងថាដៃគូរបស់អ្នកកំពុងជួបបញ្ហាអ្វីខ្លះ ហើយនៅពេលដែលពួកគេនិយាយចេញមក អ្នកមិនត្រូវសម្រេចចិត្តថាត្រូវឬក៏ខុសនោះទេ ប៉ុន្តែអ្នកគ្រាន់តែស្តាប់គាត់និយាយចេញមកគឺគ្រប់គ្រាន់ហើយ។ លើសពីនេះ នៅពេលដែលយើងក្លាយជាម្តាយរបស់គេ នោះយើងនឹងមានភាពចាស់ទុំច្រើនជាងមុនផងដែរ»៕
Bong I.T