ហ្វេនបារម្ភ Red Velvet សម្តែងលើកនេះគ្មានវត្តមាន Seulgi ធម្យម ងំ Yeri របួសជើងអង្គុយច្រៀងលើកៅអីទៀត!

កូរ៉េខាងត្បូង៖ កាលពីថ្មីៗនេះ ក្រុមចម្រៀងនារី Red Velvet បានធ្វើឲ្យអ្នកគាំទ្រមានការព្រួយបារម្ភយ៉ាងខ្លាំង ចំពោះការសម្តែងរបស់ពួកគេ។

កាលពីថ្ងៃទី២៥ ខែតុលា ម្សិលមិញនេះ ក្រុមចម្រៀងនារីកំពុងមានប្រជាប្រិយភាព Red Velvet ត្រូវបានគេអញ្ចើញទៅសម្តែងនៅក្នុងកម្មវិធីប្រគំតន្រ្តីគម្រប់ខួប១៤ឆ្នាំ “14th Anniversary of Sports World Big Concert” ដែលក្នុងនោះពួកគេបានសម្តែងនូវបទចម្រៀងដូចជា «Umpah Umpah» និងបទ «Ladies’ Night» ។

ដោយឡែក គ្រាន់តែចាប់ផ្តើមការសម្តែងភ្លាម អ្នកគាំទ្រស្រាប់តែកត់សម្គាល់ឃើញថា បាត់នូវវត្តមានសមាជិកក្រុមម្នាក់នោះគឺ តារាចម្រៀងស្រី Seulgi ខណៈដែលងាកមកសមាជិកម្នាក់ទៀតវិញគឺ Yeri នាងបានសម្តែងដោយអង្គុយនៅលើកៅអីតែមួយកន្លែងតែប៉ុណ្ណោះ។

ប៉ុន្តែទោះជាយ៉ាងណា ក្រោយបញ្ចប់ការសម្តែង Yeri នាងបានពន្យល់ប្រាប់ទៅកាន់អ្នកគាំទ្រ ពីបញ្ហា ក.ជើងរបស់នាងបានថ្លោះ ទើបមិនអាចធ្វើការសម្តែងក្បាច់រាំជូនពួកគបាន។ ប៉ុន្តែគេសង្កេតឃើញថា បើទោះបីជានាងមានបញ្ហាកជើងបានត្រឹមតែអង្គុយច្រៀងនៅលើកៅអីក៏ពិតមែន ប៉ុន្តែនាងក៏បានធ្វើការច្រៀងនិងប្រើកាយវិការដៃបានយ៉ាងល្អ ធ្វើឲ្យអ្នកគាំទ្រមិនសរសើរមិនបាន។

ដោយឡែក សម្រាប់ការបាត់មិនឃើញវត្តមានរបស់ Seulgi ឯណេះវិញ មិនមានសមាជិកក្រុមរូបណាម្នាក់ ឬក៏ខាងផលិតកម្មបានចេញមុខប្រាប់ពីមូលហេតុអ្វីឡើយ ដែលវាក៏កាន់តែធ្វើឲ្យអ្នកគាំទ្របារម្ភលើសដើម អំពីអវត្តមានរបស់ Seulgi ផងដែរ៕