អេស្ប៉ាញ៖ យោងតាមសេចក្ដីរាយការណ៍បានឲ្យដឹងថា ខ្សែបម្រើប្រយុទ្ធឆ្នើមរបស់ Real Madrid កីឡាករ Isco គ្រោងនឹងចាកចេញពីក្លិបនៅទីផ្សារខែមករាខាងមុខ ដោយសារតែគេមិនសូវមានឱកាសបង្ហាញខ្លួនលើទីលានក្រោមការដឹកនាំរបស់លោក ZIdane។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាមួយគ្នានេះ ក្លិបធំ២នៅ Premier League គឺ Manchester City និង Arsenal ត្រូវបានគេដឹងថាចាប់អារម្មណ៍ចង់បានជម្រើសជាតិអេស្ប៉ាញរូបនេះ។
តាមពិតទៅកីឡាករវ័យ ២៧ឆ្នាំរូបនេះរំពឹងថានឹងចាកចេញពីកីឡដ្ឋាន Santiago Bernabeu ទៅហើយអំឡុងទីផ្សារដោះដូរកីឡាកររដូវក្ដៅ ដោយពេលនោះមេឃខៀវ Man City ស្ទើរតែនាំយកគេទៅហើយ ប៉ុន្តែនៅនាទីចុងក្រោយគេបែរជាឃើញ Isco បន្តរួមរស់ជាមួយ Real Madrid។
រដូវកាលថ្មី ២០១៩-២០២០ Isco ទើបតែបានបង្ហាញខ្លួនឲ្យក្លិបយក្សអេស្ប៉ាញបានចំនួន ៤ប្រកួតប៉ុណ្ណោះក្នុងក្របខណ្ឌ La Liga ខណៈក្នុងពានរង្វាន់ UEFA Champions League គេមិនទាន់បានចូលលេងនៅឡើយ។
បើតាមប្រភពីក្នុងប្រទេសអេស្ប៉ាញបានឲ្យដឹងថា Isco ត្រូវការចូលលេងដើម្បីប្រជែងកៅអីក្នុងក្រុមជម្រើសជាតិអេស្ប៉ាញ សម្រាប់ព្រឹត្តិការណ៍ EURO 2020។ ដូច្នេះបើសិនជាក្លិប Real Madrid និងលោក ZIdane មិនអាចសន្យាក្នុងការផ្ដល់ឱកាសដល់រូបគេនោះទេ គេទំនងនឹងមកចូលរួមក្លិបលេងឲ្យក្លិបនៅអង់គ្លេសនៅទីផ្សារខាងមុខ៕
ប្រភព៖ FoxSportsAsia