សោកស្ដាយ! Arsenal ខកខានឱកាសយក ៣ពិន្ទុ បន្ទាប់ពីបរាជ័យក្រោមថ្វីជើងក្រុម Sheffield United (មានវីដេអូ)

អង់គ្លេស៖ កាលពីរាត្រីថ្ងៃច័ន្ទកន្លងទៅនេះមានការប្រកួតដ៏ជក់ចិត្តមួយក្នុងក្របខណ្ឌ Premier League ដែលជាគូចុងក្រោយក្នុងសប្ដាហ៍ទី៩រវាងក្រុម Sheffield United ក្នុងនាមជាម្ចាស់ផ្ទះបានទ្វារកីឡដ្ឋាន Bramall Lane ទទួលស្វាគមន៍ក្រុមភ្ញៀវកាំភ្លើងធំ Arsenal។

ក្នុងការប្រកួតនេះក្រុមទាំងពីរមានឱកាសសម្រុកគ្នាទៅវិញទៅមកដោយក្រុមម្ចាស់ផ្ទះស៊ុតបាន៦ជើងចំគោលដៅ២ដងសម្រេចទីបាន១គ្រាប់ ចំណែកឯក្រុមភ្ញៀវ Arsenal ស៊ុតបាន៧ជើងចំគោលដៅ៣ដងប៉ុន្តែមិនអាចទម្លុះសំណាញ់ទីរបស់ក្រុមម្ចាស់ផ្ទះបាននោះទេ។

១គ្រាប់យក៣ពិន្ទុរបស់ក្រុមម្ចាស់ផ្ទះធ្វើបានដោយខ្សែប្រយុទ្ធ Lys Mousset តាមរយៈការបញ្ជូនបាល់បានយ៉ាងល្អពីសំណាក់កីឡាករ Jack O’Connell នៅនាទីទី៣០។

ដូច្នេះក្រោយបញ្ចប់ការប្រកួតក្រុម Sheffield United ជាអ្នកដណ្ដើមបាន៣ពិន្ទុដោយយកឈ្នះទៅលើក្រុមកាំភ្លើងធំ Arsenal ក្នុងលទ្ធផល១ទល់នឹង០។

បើចង់ឃើញការស៊ុតបញ្ចូលទីរបស់កីឡាករ Lys Mousset អស្ចារ្យយ៉ាងណានោះសូមទស្សនាវីដេអូខាងក្រោម៖