ក្ដៅៗ!! លោក Jose Mourinho ត្រូវបានក្លិបលំដាប់កំពូលមួយនៅអង់គ្លេស ទាក់ទងហៅមកដឹកនាំ

អង់គ្លេស៖ បើតាមសេចក្ដីរាយការណ៍បានឲ្យដឹងថាក្លិបមាន់ខ្នាយមាស Tottenham Hotspur បានទាក់ទងទៅកាន់អតីតអ្នកចាត់ការទូទៅរបស់ Chelsea និង​ Man UTD លោក Jose Mourinho ក្នុងការមកដឹកនាំនៅកីឡដ្ឋាន White Hart Land។

តាមពិតទៅនៅមានបេក្ខភាពមួយរូបទៀតដែលក្លិបមានមូលដ្ឋាននៅទីក្រុងឡុងដ៍មួយនេះចង់យកមកដឹកនាំនោះគឺអតីតគ្រូបង្វឹករបស់ Juventus លោក Massimiliano Allgeri ប៉ុន្តែគ្រូបង្វឹកសញ្ជាតិអ៊ីតាលីរូបនេះហាក់មានបំណងចង់ទៅដឹកនាំ Manchester United ជាជាងមកដឹកនាំ Spurs។

ក្រោយប៉ុន្មានប្រកួតរដូវកាលថ្មី Spurs ធ្វើមិនបានល្អ ជាពិសេសគឺការចាញ់យ៉ាងធ្ងន់ក្រោមថ្វីជើង Bayern Munich ដោយលទ្ធផល ៧ទល់នឹង២ ក្នុងពានរង្វាន់ UEFA Champions League បានធ្វើឲ្យកៅអីរបស់លោក Mauricio Pochettino កំពុងតែក្ដៅគគុក។

ឲ្យដឹងដែរថា ៨ប្រកួតក្នុងក្របខណ្ឌ Premier League រដូវកាល ២០១៩-២០២០ Spurs មាន ១១ពិន្ទុ ក្រោយឈ្នះ៣ ស្មើ២ និងចាញ់៣ កំពុងឈរនៅលេខ៩៕

ប្រភព៖ FoxSportsAsia