សាធារណរដ្ឋឆេក៖ ក្រុមសាធារណរដ្ឋឆេកក្នុងនាមជាម្ចាស់ផ្ទះបានបើកទ្វារកីឡដ្ឋាន Sinobo Stadium ទទួលស្វាគមន៍ក្រុមភ្ញៀវតោកំណាចអង់គ្លេស ក្នុងព្រឹត្តិការណ៍ជម្រុះយូរ៉ូឆ្នាំ២០២០ កាលពីរាត្រីថ្ងៃសុក្រកន្លងទៅនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សការប្រកួតរវាងក្រុមទាំងពីរនេះ មានការសម្រុកគ្នាទៅវិញទៅមក ដោយក្រុមម្ចាស់ផ្ទះស៊ុតបាន១២ជើងចំគោលដៅ៨ដងសម្រេចទីបាន២គ្រាប់ ចំណែកឯក្រុមភ្ញៀវស៊ុតបាន៤ជើងចំគោលដៅទាំង៤ដងសម្រេចទីបាន១គ្រាប់។
២គ្រាប់របស់ក្រុមម្ចាស់ផ្ទះរកបានដោយកីឡាករ Jakub Brabec នៅនាទីទី៩ និងកីឡាករ Zdenek Ondrasek នៅនាទីទី៨៥ រីឯ១គ្រាប់របស់ក្រុមភ្ញៀវធ្វើបានដោយកីឡាករ Harry Kane តាមរយៈការស៊ុតបាល់ពិន័យ១១ម៉ែត្រនៅនាទីទី៥។
ដូច្នេះការប្រកួតបញ្ចប់ទៅដោយក្រុមម្ចាស់ផ្ទះសាធារណរដ្ឋឆេក បានទទួលជ័យជម្នះទៅលើក្រុមភ្ញៀវអង់គ្លេសក្នុងលទ្ធផល២ទល់នឹង១ ដែលជាការបរាជ័យលើកដំបូងរបស់ក្រុមអង់គ្លេសផងដែរក្នុងវគ្គជម្រុះយូរ៉ូ២០២០ពូល A នេះ៕
បើចង់ឃើញការស៊ុតបញ្ចូលទីគ្នាអស្ចារ្យយ៉ាងណានោះសូមទស្សនាវីដេអូខាងក្រោម៖