ប្តីGoal ! ការហើយមិនបានប៉ុន្មាន Hailey ធ្វើឲ្យកូតឡាន Lamborghini ប្តីតម្លៃរាប់សែនតែJustin បែរជាធ្វើបែបនេះ!

អាមេរិក៖ ថ្មីៗនេះ បណ្តាអ្នកនិយមលេងអ៊ីនធើណែតជាច្រើន កំពុងតែមានការចាប់អារម្មណ៍យ៉ាងខ្លាំង ទៅលើឃ្លីបវីដេអូខ្លីមួយ របស់គូស្វាមីភរិយាHollywoodថ្មោងថ្មី រវាងតារាចម្រៀងប្រុសលំដាប់ពិភពលោក Justin Bieber ជាមួយនឹងតារាម៉ូដែលស្រី Hailey Bieber។

តាមរយៈវីដេអូឃ្លីបដែលបានបង្ហោះនោះ បានឲ្យដឹងថា បន្ទាប់ពីប្តីប្រពន្ធវ័យក្មេងមួយគូនេះ រៀបការបានប្រមាណជា៤ថ្ងៃ ពួកគេក៏បាននាំគ្នាចេញទៅដើរលេងនៅខាងក្រៅជាមួយគ្នា ប៉ុន្តែភ្លាមៗនោះស្រាប់តែ Hailey នាងបានធ្វើឲ្យកូតរថយន្តម៉ាក Lamborghini ពណ៌ផ្កាឈូករបស់ស្វាមីជាទីស្រលាញ់របស់នាង តម្លៃជាង២សែនដុល្លារដោយអចេតនា។

ដោយឡែក អ្វីដែលធ្វើឲ្យមហាជនរំភើបចិត្តជាខ្លាំងនោះ គឺ Justin មិនបានមានការខឹងសម្បារចំពោះភរិយារបស់លោកអ្វីបន្តិចឡើយ ប៉ុន្តែលោកថែមទាំងនិយាយលេងសើចជាមួយនឹងប្រពន្ធរបស់លោក និងបាននិយាយសរសើរថានាង ថាថ្ងៃនេះពិតជាស្អាតគួរឲ្យស្រលាញ់ជាងរាល់ដងថែមទៀតផង។

យ៉ាងណាមិញ ទង្វើមួយនេះរបស់Justin ធ្វើឲ្យមហាជនមិនសរសើរមិនបាន មិនតែប៉ុណ្ណោះ ចាប់តាំងពីលោកបានរៀបការជាមួយនឹង Hailey មកគ្រប់គ្នាបានសង្កេតឃើញថា លោកមានការកែប្រែច្រើន ជាពិសេសគឺមានចរិតចាស់ទុំជាងមុនតែម្តង៕