កូរ៉េខាងត្បូង៖ ប្រិយមិត្តមួយចំនួនដែលជាហ្វេនរបស់ក្រុមចម្រៀងនារី TWICE ប្រហែលជារំភើបចិត្តជាមួយនឹងការទន្ទឹងរង់ចាំបទចម្រៀងរបស់ក្រុមចម្រៀងនេះ មានចំណងជើងថា “Feel Special” ដែលនឹងចេញនៅល្ងាចថ្ងៃនេះហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក៏ប៉ុន្តែអ្វីៗបែរជាធ្វើឲ្យអ្នកគាំទ្រស្រឡាំងកាំងបន្តិចក្រោយ ផលិតកម្ម JYP បានចេញសេចក្តីប្រកាសថា ការបង្ហាញសម្តែង Showcase របស់ក្រុម TWICE នៅថ្ងៃនេះ គឺគ្មានវត្តមានរបស់ Mina នោះទេ ព្រោះថានៅពេលនេះ នាងកំពុងតែមានសភាពមិនស្រួលជាមួយជំងឺប្រចាំកាយរបស់ខ្លួន ដូចដែលប្រិយមិត្តជ្រាបរួចមកហើយ។
មិនត្រឹមតែប៉ុណ្ណោះ ផលិតកម្មថែមទាំងបង្ហើបរឿងមួយទៀតថា នាង Jihyo នឹងត្រូវសម្តែងដោយអង្គុយលើកៅអី ដោយមិនអាចរាំជាមួយក្រុមបាននោះទេ។ ផលិតកម្មបាននិយាយបែបនេះថា៖
“ក. របស់ Jihyo បានជាប់រឹងខណៈហាត់សមបទថ្មី។ ហើយនាងក៏បានបញ្ចូនទៅមន្ទីរពេទ្យភ្លាមៗ។ ដូច្នេះហើយ Jihyo មិនអាចរាំបាននោះទេ ហើយនាងនឹងត្រូវសម្តែងដោយអង្គុយលើកៅអី”។
គួររម្លឹកដែរថា អាល់ប៊ុមថ្មីរបស់ក្រុម TWICE មានចំណងជើងថា “Feel Special” នឹងចេញលក់ជាផ្លូវការនៅថ្ងៃទី ២៣ នេះហើយ នៅវេលាម៉ោង ៦ល្ងាច ម៉ោងក្នុងប្រទេសកូរ៉េខាងត្បូង៕
តើប្រិយមិត្តយល់យ៉ាងណាដែរ?
Bong I.T