ភ្នំពេញ៖ បើតាមសេចក្ដីជូនដំណឹងរបស់សហព័ន្ធកីឡាបាល់ទាត់កម្ពុជា (FFC) បង្ហោះនៅលើទំព័រ Facebook ផ្លូវការ អតីតកីឡាកររបស់ក្រុមជម្រើសជាតិអង់គ្លេស និងជាវីរបុរសមួយរូបរបស់ Liverpool និង Real Madrid លោក Steve Manaman នឹងធ្វើដំណើរមកកាន់ប្រទេសកម្ពុជា ដើម្បីបំពេញទស្សនៈកិច្ចក្នុងនាមជាមន្ត្រីមូលនិធិសហគមន៍របស់ FIFA។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដំណើរទស្សនៈកិច្ចរបស់លោក Manaman នៅកម្ពុជានឹងធ្វើឡើងរយៈពេល ២ថ្ងៃពោលគឺនៅថ្ងៃទី២៥ និងថ្ងៃទី២៦ ខែកញ្ញាខាងមុខនេះ នៅអង្គការ Indochina Starfish Foundation (ISF)។
មូលនិធិ FIFA បានដាក់ចេញនូវកម្មវិធីជាច្រើនរួមមាន៖ កម្មវីធីសហគមន៍ ការគាំទ្រដល់អង្គការដែលប្រើបាល់ទាត់ជាឧបករណ៍សម្រាប់ធ្វើឲ្យប្រសើរឡើងនូវជីវិតរបស់យុវជនដែលជួបការលំបាកនៅលើពិភពលោក ដោះស្រាយបញ្ហាសង្គមដែលជះឥទ្ធិពលដល់យុវជនដូចជា ការអប់រំសុខភាព និងសមភាពយេនឌ័រ។
គួរបញ្ជាក់ផងដែរថា ប្រតិភូរបស់ FIFA លោក Manamann គឺជាអតីតកីឡាករបាល់ទាត់មួយរូបដែលមានឈ្មោះល្បីខ្លាំងអំឡុងទស្សវត្សន៍៩០ ដោយលោកធ្លាប់លេងឲ្យក្លិបល្បីៗដូចជា Liverpool, Real Madrid និង Manchester City៕