កូរ៉េខាងត្បូង៖ នៅពេលនេះ ព័ត៌មានច្បាស់ការបានចេញពីមាត់របស់មេធាវីនាង Goo Hye Sun ហើយ អំពីការចាកចេញពីសិល្បៈ បន្ទាប់ពីមានរឿងរ៉ាវលែងលះគ្នាជាមួយអតីតស្វាមីលោក Anh Jae Hyun។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះដែរ មេធាវីលោក Jung Kyung Suk តំណាងឲ្យនាង Goo Hye Sun បាននិយាយថាបែបនេះថា៖
“នាង Goo Hye Sun នឹងឈប់សម្រាកដោយគ្មានការកំណត់ពីសិល្បៈកូរ៉េ បន្ទាប់ពីនាងបានចេញផ្សាយនូវអត្ថបទរបស់ខ្លួនដែលមានចំណងជើងថា “I am Your Pet”។ ហើយថ្មីៗនេះ នាងកំពុងតែត្រៀមខ្លួន ត្រលប់ទៅរៀនបន្តនៅមហាវិទ្យាល័យវិញ”។
ម៉្យាងវិញទៀត ទាក់ទងនឹងការលែងលះរបស់នាង Goo Hye Sun និងលោក Anh Jae Hyun មេធាវីបានទម្លាយរឿងមួយ ធ្វើឲ្យអ្នកគាំទ្រអាណិតតារាស្រីរូបនេះស្ទើរតែខ្លោចចិត្តថា នាង Goo Hye Sun នៅតែចង់បន្តជីវិតអាពាហ៍ពិពាហ៍របស់នាងជាមួយស្វាមី។
ទោះជាយ៉ាងណាក្តី រឿងរ៉ាវរបស់នាង Goo Hye Sun ដល់ដំណាក់កាលនេះទៅហើយ គ្មានអ្វីអាចបកក្រោយដើម្បីឲ្យរឿងប្រសើរឡើងនោះទេ ដូច្នេះហើយអ្នកគាំទ្រមានតែជូនពរនាងឲ្យឆាប់ជាពីរបួសបេះដូងនេះតែប៉ុណ្ណោះ៕
តើប្រិយមិត្តយល់យ៉ាងណាដែរ?
Bong I.T