កូរ៉េខាងត្បូង៖ ចាប់តាំងពីថ្ងៃទី ១៨ ខែកុម្ភៈ ឆ្នាំ ២០១៨ លោក G-Dragon ដែលជាសមាជិកក្រុម Bigbang បានផ្អាក់ពីការងារសិល្បៈមួយរយៈដើម្បីចូលខ្លួន មកហ្វឹកហាត់ទាហាន។ ហើយការហ្វឹកហាត់ទាហាននេះ ត្រូវបានគេរំពឹងទុកថា លោក G-Dragon នឹងបញ្ចប់ភារកិច្ចរបស់ខ្លួន ក្នុងខែវិច្ឆិកាឆ្នាំ២០១៩ ខាងមុខនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក៏ប៉ុន្តែកាលពីថ្មីៗនេះ នៅក្នុងប្រទេសកូរ៉េខាងត្បូង ទើបតែចេញច្បាប់ថ្មី ដោយមានការកាត់បន្ថយពេលវេលា នៃការហ្វឹកហាត់ទាហាន ដូច្នេះហើយ ដោយសារតែបែបនេះ ទើបលោក G-Dragon ត្រូវបានគេរំពឹងទុកម្តងទៀត ថាលោកនឹងបំពេញតួនារីរបស់ខ្លួនចប់សព្វគ្រប់នៅថ្ងៃទី ២៦ ខែតុលា ឆ្នាំ ២០១៩ ឆាប់ៗដ៏ខ្លីខាងមុខនេះវិញ។
យ៉ាងណាមិញ សម្រាប់ព័ត៌មាននេះ បានធ្វើឲ្យអ្នកគាំទ្ររំភើបចិត្តមែនទែន ព្រោះថាពួកគេបានទន្ទឹងរង់ចាំការវិលត្រលប់របស់លោកអស់រយៈពេលជាយូរណាស់មកហើយ។ ហើយអ្នកគាំទ្រក៏រំពឹងទុកថា បន្ទាប់ពីលោក G-Dragon ឈានជើងចូលសិល្បៈវិញ រូបលោកនឹងបញ្ចេញបទចម្រៀងថ្មី ដើម្បីផ្គាប់ចិត្តអ្នកគាំទ្រក្នុងពេលឆាប់ៗផងដែរ៕
តើប្រិយមិត្តយល់យ៉ាងណាដែរ?