បារាំង៖ នាយកប្រតិបត្តិរបស់ក្លិបអ្នកមាននៅបារាំង Paris Sain-Germain លោក Leonardo បានបញ្ជាក់ថាក្លិបកំពុងធ្វើការឲ្យបានលឿន និងច្បាស់លាស់ទាក់ទងនឹងការចាកចេញរបស់ខ្សែប្រយុទ្ធ Neymar ដូច្នេះកីឡាករជម្រើសជាតិប្រេស៊ីលរូបនេះ នឹងមិនមានឈ្មោះក្នុងបញ្ជីកីឡាករសម្រាប់ការប្រកួតថ្ងៃអាទិត្យ ទល់នឹងក្លិប Nimes នោះទេ។
បុរសវ័យ ៤៩ឆ្នាំ បានឲ្យដឹងថាមកទល់នឹងពេលនេះមិនទាន់មានការព្រមព្រៀងជាមួយក្លិបណាមួយដើម្បីផ្ទេរ Neymar ចេញនៅឡើយទេ។
យ៉ាងណាមិញ បើតាមអ្នកចាត់ការទូទៅរបស់ PSG លោក Thomas Tuchel បានលើកឡើងអំឡុងពេលសន្និសីទកាសែតថា Neymar នៅមានរបួសបន្តិចបន្តួចដែលធ្វើឲ្យគេមិនអាចបង្ហាញខ្លួនក្នុងប្រកួតដំបូងសម្រាប់រដូវកាលថ្មីបាន៕
ប្រភព៖ Marca
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក កីទ្បា និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
