កូរ៉េខាងត្បូង៖ តារាប្រុសJames Lee គឺជាតារាចម្រៀងpop-rock ដ៏ល្បីរបស់កូរ៉េខាងត្បូង មុនពេលដែលតារាបុ្រសរូបនេះ ជួបនៅគ្រោះថ្នាក់ដ៏ នឹកស្មានមិនដល់មួយ ដែលធ្វើឲ្យប៉ះទង្គិចដៃឆ្វេងរបស់គេ យ៉ាងធ្ងន់ធ្ងររហូតដល់ថ្នាក់ មិនអាចលេងនៅឧបករណ៍ភ្លេង តទៅទៀតបានហើយក៏ ត្រូវបង្ខំចិត្តផ្អាកពីសិល្បៈមួយរយៈធំ។
រយៈពេល៤ឆ្នាំក្រោយ សិល្បះករតន្ត្រី កូរ៉េកាត់អាមេរិករូបនេះ បានបង្ហាញមុខមកវិញ សារជាថ្មីជាមួយរូបរាងថ្មី ហើយតារាប្រុសរូបនេះ ក៏បានត្រៀមធ្វើការសម្តែង របស់ខ្លួននៅលើដងផ្លូវនៃរដ្ឋCalifornian។ James បានប្រាប់មកNextShark ថា “បទភ្លេងរបស់ខ្ញុំគឺ ជាការជម្រុញទឹកចិត្តមួយ ដែលបានដកស្រង់មកពី បទពិសោធន៍របស់ខ្ញុំផ្ទាល់។ ខ្ញុំមានអារម្មណ៍ថា ជីវិតរបស់ខ្ញុំហាក់ដូចជា ត្រូវបានកាត់ផ្តាច់ ទៅជា២ផ្នែក គឺមុនពេលនិងក្រោយពេលដែលខ្ញុំ ត្រូវបានជួបនឹងគ្រោះថ្នាក់។ ខ្ញុំធ្លាប់សរសេរចម្រៀង ពីព្រោះតែខ្ញុំធ្លាប់គិតថា វាជារឿងដែលសប្បាយ ក៏ប៉ុន្តែពេលនេះខ្ញុំធ្វើវា ពីព្រោះតែវាគឺជាវិធីសាស្ត្រ មួយដែលល្អបំផុត ដែលខ្ញុំអាចបង្ហាញពីខ្លួនឯងបាន”។
កាលពីឆ្នាំ២០១៥ បន្ទាប់ពីខួបកំំណើតគម្រប់២៧ឆ្នាំ របស់គេបានមួយថ្ងៃ គឺគ្រប់យ៉ាងត្រូវបានផ្លាស់ប្តូរ ស្ទើរតែទាំងស្រុង សម្រាប់តារាប្រុសរូបនេះ។
ថ្ងៃមួយនោះJames បានដើរចូលទៅក្នុង ភោជនីយដ្ឋានមួយនៅទីក្រុងសេអ៊ូល ដើម្បីទៅជួបមិត្តភក្តិ ដែលគេត្រូវធ្វើការណាត់ជួប នៅទីនោះហើយនៅពេលJames បើកទ្វារចូលទៅ ក៏ស្រាប់តែស៊ុមដែក និងជញ្ជាំងកញ្ចក់ បានធ្លាក់មកចំដាច់ក.ដៃឆ្វេង និងប៉ះចំស្មារបស់គេ យ៉ាងធ្ងន់ធ្ងរ។ នៅពេលដែល តារាប្រុសរូបនេះបានដឹងស្មារតី បន្ទាប់ពីជួបរឿងហេតុ ដ៏គួរឱ្យរន្ធត់នោះហើយ ទើបគាត់ដឹងថាក.ដៃរបស់គាត់ ត្រូវបានកាត់ដាច់ចេញ ពីដៃរបស់គាត់បាត់ទៅហើយ។ ក៏ប៉ុន្តែខាងវេជ្ជបណ្ឌិត បានបញ្ជាក់ប្រាប់គាត់ថា ពួកគេអាចជួយតភ្ជាប់ នៅកដៃរបស់តារាប្រុសររូបនេះបាន ក៏ប៉ុន្តែរូបគេត្រូវបង្ខំ ឱ្យទ្រាំនៅការឈឺចាប់ខ្លាំងជាមួយនឹង ការវះកាត់រហូតដល់ទៅចំនួន៥ដង។
តែអ្វីដែលគួរឲ្យសោកស្តាយនោះគឺ នៅពេលដែលតារាប្រុសរូបនេះ តម្រូវឲ្យធ្វើការវះកាត់ ជាលើកទី៦នោះ ខាងគ្រូពេទ្យបានប្រាប់ថា ពួកគេបានរកឃើញនៅ ដុំឈាមកក នៅក្នុងខួរក្បាលរបស់គេ។ ដោយសារតែលក្ខខណ្ឌ សុខភាពបែបនេះទើបធ្វើឲ្យJames សម្រេច ប្រកាសចាកចេញជា ផ្លូវការពីក្រុមRoyal Pirates ។
បន្ទាប់ពីមានការផ្អាក ពីសិល្បៈអស់រយៈពេល ជិតបួនឆ្នាំមក តារាប្រុសរូបនេះបានត្រឡប់ មកវិញជាមួយភាពរឹងមាំជាង ពីពេលមុនទៅទៀត “ខ្ញុំនឹងចាប់ផ្តើមទាញយកចំណាប់អារម្មណ៍ ពីទស្សនិកជនដោយសម្តែង នៅតាមផ្លូវCalifornia ជាមួយនឹងក្រុមរបស់ពួកខ្ញុំគឺ Fyke ហើយនឹង Kevin Woo នៅក្នុងខែសីហានេះ! ហើយខ្ញុំក៏មាន គម្រោងក្នុងការសហការ ជាមួយពួកគេទាំងពីរ ដែលនឹងបង្ហាញ ក្នុងពេលឆាប់ៗនេះ ខ្ញុំពិតជាមិនអាច រងចាំបាននោះទេ!” “វាមានរយៈពេលមួយឆ្នាំ មកហើយចាប់តាំងពីពេល ដែលបទចម្រៀង light Ep ត្រូវបានចាក់ផ្សាយ ដូច្នេះខ្ញុំពិតជាមិនអាចរង់ចាំ នៅការជួបផ្ទាល់ជាមួយ អ្នកគាំទ្របានតទៅទៀតនោះទេ។ ខ្ញុំមានTonនៃបទចម្រៀងថ្មី ហើយខ្ញុំពិតជារំភើប នឹងចង់បង្ហាញវាទៅ ដល់អ្នកគ្រប់គ្នាបានឃើញ!” ។ ជាក់ស្តែងសំបុត្រក្នុងការ ចូលទស្សនាការប្រគុំតន្តី្ររបស់James ក៏ត្រូវបានដាក់លក់នៅលើ AXS និងEventbrite ផងដែរ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]