ខេត្តព្រះសីហនុ ៖ តាមសេចក្តីរាយការណ៍បឋមបានឱ្យដឹងថា បុរសម្នាក់បានយកកាំបិតភ្ជង់កខ្លួនឯង ប៉ុនប៉ងសម្លាប់ខ្លួន ខណៈត្រូវគេសង្ស័យថាបែកថ្នាំ បង្កឱ្យមានការភ្ញាក់ផ្អើលកាលពីព្រឹកថ្ងៃទី២២ ខែកក្កដា ឆ្នាំ២០១៩ នៅចំណុចមុខផ្សារចិន តាមបណ្ដោយផ្លូវអូរ១ ស្ថិតក្នុងភូមិអូរ១ សង្កាត់លេខ៤ ក្រុងព្រះសីហនុ ។
បុរសខាងលើឈ្មោះ ភិន នេត អាយុ៤៦ឆ្នាំ ស្នាក់នៅភូមិឃុំកើតហេតុខាងលើ។
តាមប្រភពពីអ្នកជិតខាងបានឱ្យដឹងថា បុរសដែលយកកាំបិតភ្ជង់កខ្លួនឯង ប៉ុនប៉ងធ្វើអត្តឃាតខាងលើនេះ ទើបតែចេញពីពន្ធនាគារបានប្រមាណជាង២ខែប៉ុណ្ណោះ។
ពេលឃើញសភាពបុរសម្នាក់ខាងលើដែលត្រូវបានគេសង្ស័យថាបែកថ្នាំ ដោយយកកាំបិតភ្ជង់កខ្លួនឯង ប៉ុនប៉ងសម្លាប់ខ្លួនបែបនេះ ធ្វើឱ្យក្រុមប្រជាពលរដ្ឋបានសំណូមពរដល់មន្ត្រីពាក់ព័ន្ធ ជាពិសេសមន្ត្រីកងរាជអាវុធហត្ថនិងនគរបាលខេត្តព្រះសីហនុ ឱ្យចុះមកជួយអន្តរាគមន៍នៅកន្លែងកើតហេតុជាបន្ទាន់ផងដែរ ព្រោះពួកគាត់មានការព្រួយបារម្ភខ្លាចក្រែងមានហេតុការណ៍ណាមួយកើតឡើងដែលនឹកស្មានមិនដល់។
ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ប្រភព៖ កោះសន្តិភាព
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
