Min Pechaya លែងពិចារណា រឿងរៀបការច្រើនដូចមុន រង់ចាំតែខាងប្រុសមកសុំតែប៉ុណ្ណោះ

ថៃ៖ ជាការពិតណាស់ រយៈពេលជាង៣ឆ្នាំមកហើយ ដែលតារាសម្ដែងស្រី កញ្ញា Min Pechaya និងកម្លោះអ្នកមានទ្រព្យដែលជាមិត្តប្រុសរបស់តារាស្រីរូបនេះ បានទាក់ទងនិងស្វែងយល់ចិត្តគ្នាផងដែរ។

យ៉ាងណាមិញ នៅក្នុងរយៈពេលជាង៣ឆ្នាំនៃទំនាក់ទំនងស្នេហា របស់តារាសម្ដែងស្រី កញ្ញា Min Pechaya ហាក់មិនធ្លាប់បង្ហើបពីរឿងរៀបមង្គលការសោះឡើយ ប៉ុន្តែស្រាប់តែថ្មីៗនេះ អ្វីដែលគួរឲ្យចាប់អារម្មណ៍នោះ គឺបន្ទាប់ពីត្រូវបានក្រុមអ្នកកាសែត សួរទាក់ទងនឹងរៀបការភ្លាម ស្រាប់តែតារាស្រីរូបនេះ បានឆ្លើយយ៉ាងមិនស្ទាក់ស្ទើរចិត្តថា រូបនាងរង់ចាំតែមិត្តប្រុសមកសុំនាងរៀបការតែប៉ុណ្ណោះ ដោយសុំបែបSurpriseខ្នាតធំៗតែម្ដង។

គួរម្លឹកផងដែរថា កាលពីប៉ុន្មានសប្ដាហ៍មុន តាមរយៈការផ្ដល់កិច្ចសម្ភាសន៍មួយ មិត្តប្រុស Min បានបង្ហើបរឿងចង់សុំតារាស្រីរូបនេះរៀបការដែរ ប៉ុន្តែដោយសារកន្លងមកឲ្យតែលោកនិយាយរឿងនេះ គឺថាតារាស្រី កញ្ញាMin តែងតែខឹងលោកជានិច្ច រហូតមកទល់ពេលនេះ ស្រាប់តែម្ចាស់ខ្លួន ចេញមកបើកភ្លើងខៀវឲ្យតែម្ដង៕ 

• តារាថៃ