អ្នកគាំទ្ររំភើប មិនស្ទើរពេលដែលដឹងថាLee Joon Gi ធ្វើរឿងមួយនេះ ព្រោះតែIU

កូរ៉េខាងត្បូង៖ ទើបតែមានការប្រកាសថ្មីៗនេះថា តារាសម្តែងប្រុសLee Joon Gi នឹងបង្ហាញខ្លួនជាពិសេស ក្នុងភាគទី៣នៃរឿង« Hotel Del Luna »ហើយមូល​ហេតុ​មួយ​ដែល​តារា​ប្រុស​រូប​នេះ ​យល់​ព្រម​ចូលរួមសម្តែង​ក៏ព្រោះ តែតារាស្រីIU ដែរ។

តារាសម្តែងNamnoo បានប្រាប់ដល់អ្នកសារព័ត៌មានក្នុងស្រុក កាលពីថ្ងៃទី១៨ ខែកក្កដា នេះថា “តារាប្រុសLee Joon Gi នឹងបង្ហាញខ្លួនជាពិសេស ក្នុងភាគទី៣នៃភាពយន្ត«Hotel Del Luna» ដែលកំពុងចាក់បញ្ចាំង នៅលើកញ្ចក់ទូរទស្សន៍tvN  ហើយភាគនេះក៏នឹង ត្រូវចាក់ផ្សាយនៅថ្ងៃសៅរ៍ អាទិត្យ នេះផងដែរ”។

ខាងភ្នាក់ងារ របស់តារាសម្តែងប្រុសLee Joon Gi បានបញ្ជាក់បន្ថែមថា”ការដែល​Lee Joon Gi សម្រេចចិត្តបង្ហាញខ្លួន ជាពិសេសក្នុងភាពយន្តនេះ ក៏ព្រោះតែទំនាក់ទំនងរបស់គេនិងតារាស្រីIU មានការរាប់អានគ្នាយ៉ាងល្អ”។ 

គួរបញ្ជាក់ផងដែរថា តារាប្រុសLee Joon Gi និងIU ពួកគេទាំងពីរធ្លាប់បាន ចូលរួមសម្តែងនៅក្នុងរឿង«Moon Lovers» ជាមួយគ្នាកាលពីឆ្នាំ២០១៦ ហើយមិត្តភាពរបស់ពួកគេ ក៏បានរក្សារហូតមកដល់ពេលនេះផងដែរ។ ពួកគេតែងតែបង្ហាញវត្តមានជាមួយគ្នា ដូចជាការជួបជុំអ្នកគាំទ្រ ផ្ញើរថយន្តម្ហូបអាហារដើម្បី គាំទ្រគ្នាទៅវិញទៅមកជាដើម ហើយកាលពីឆ្នាំមុន ពួកគេក៏បានចូលរួមកម្មវិធី Knowing Bros ជាមួយគ្នាផងដែរ៕   

• ភាពយន្ត
• មិត្ត
• តារាកូរ៉េ