ថៃ៖ ជាដំណឹងដ៏ល្អដែលធ្វើឲ្យអ្នកគាំទ្ររបស់តារាសម្តែងMew Nittha រំភើបយ៉ាងខ្លាំង ក្រោយលោកSaint សង្សារសំណព្វរបស់នាង លុតជង្គង់សុំនាងរៀបការយ៉ាងរ៉ូមែនទិក និងគួរឲ្យច្រណែន។
ដោយកាលពីយប់ថ្ងៃទី១៦ ខែកក្កដា ឆ្នាំ២០១៩នេះ Mewបានផុសរូបមួយសន្លឹកនៅក្នុងគណនីអ៊ីនស្តារក្រាមផ្ទាល់ខ្លួន បង្ហាញពីបរិយាកាសពេលដែលគូស្នេហ៍សុំរៀបការ ដោយភ្ជាប់ជាមួយពាក្យមួយឃ្លាខ្លីមួយថា «វាអាចនឹងលឿនបន្តិច ប៉ុន្តែខ្ញុំបាននិយាយថា យល់ព្រម»។ជាមួយគ្នានេះនៅក្នុងគណនីអ៊ីនស្តារក្រាមម៉ាក់របស់Mew ក៏បានផុសរូបដូចគ្នា ដោយភ្ជាប់ពាក្យមួយឃ្លាថា «ផុសរូបច្រើនបន្តិចហើយ! កូនស្រីលក់ចេញហើយចា៎»។
ក្រោយពីឃើញបែបនេះមានមិត្តរួមសិល្បៈ និងអ្នកគាំទ្រជាច្រើនបាននាំគ្នាចូលទៅComment សម្តែងការរីករាយ និងជូនពរដល់ពួកគេទាំងពីរ។ ទៀតសោតគ្រប់គ្នាជឿថា មិនយូរទៀតទេនឹងបានលឺដំណឹងរឿងរៀបការ ពីគូស្នេហ៍មួយគូនេះជាក់ជាមិនខាន។
គួរបញ្ជាក់ផងដែរថា តារាសម្តែងស្រីMew និងលោកSaint បានប្រកាសថាពួកគេស្រលាញ់គ្នាជាសាធារណៈនៅខែកក្កដា ឆ្នាំ២០១៨។ គិតដល់មកពេលនេះរយៈពេល១ឆ្នាំហើយ ដែលគ្រប់គ្នាដឹងពីទំនាក់ទំនងដ៏ផ្អែមល្ហែមរបស់ពួកគេ៕
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
